Norgga Alimusriekti

Alimusrievtti birra

Historihkka

Alimusrievtti viessu

Historihkka
1814 vuođđolága vuođul oaččui Norga sierra Alimusrievtti. Dan rádjai lei Alimusriekti leamaš dánska-norgga oaivegávpogis Københavnas, muhto doppe lei gal norgalaš alimusriektejustitiarius jagi 1799 rájes, Jakob Edvard Colbjørnsen.  Son jámii 1802:s ja su viellja, Christian Colbjørnsen lei justitiariusan 1814 rádjai.

Čakčamánus 1814 nammaduvvui Johan Randulf Bull justitiariusan, ja Alimusriekti ásahuvvui Norgii jagis 1815.  Alimusrievttis ii lean sierra viessu, ja láigohalle dáluid gosa rievtti lahtut čoagganedje.  Duopmárat barge dábálaččat ruovttus ja poasta dolvojuvvui sidjiide juohke beaivvi.  Riektelanjat ledje heajut.

Jagis 1846 fárrehedje Alimusrievtti Dronningensgatii 18 B gos láigohedje lanjaid Bølling-leaskkas.  Maŋŋil válddii láibu Jacob B. Brun badjelasas dálu, gos Alimusriekti lei gitta 1898 rádjai, go dalle galggai dát dállu gaikkoduvvot.  Stuorradiggi lei mearridan ođđa Justisviesu várás oastit viessosaji Kristianias guhkiduvvon Apotekergatenis.  Jagi 1898 rájes ja gitta dasságo Justisviessu gárvánii 1903:s, láigohii Alimusriekti lanjaid Palæetis Fred Olsensgates 6.  Palæetis ledje gonagasbearrašii gullevaččat orostallan ja leige čáppa viessu.  Dat dađibahábut billašuvai oalát go bulii 1942:s.