Dábálaččat sáhttá váidit buot mearrádusaid maid suohkan dahká sosiála bálvalusaid hárrái, ležžet dál juolluduvvon ohcamušat dahje hilgojuvvon ohcamušat. Don sáhtát váidit mearrádusaid jus oaivvildat ahte leat dahkkon boasttuvuođat. Don fertet leat áššái gulli bealli jus galggat sáhttit váidit.
Don sáhtát váidit jus oaivvildat ahte it leat ožžon daid dearvvašvuođabálvalusaid maidda lea riekti, ovdamearkka dihte ruovttubuohccidivššu. Sáhtát maid váidit mearrádusaid mat gustojit biraslaš dearvvašvuođasuodjalussii suohkandearvvašvuođabálvalusa lága kapihttal 4a olis, jus mearrádus gusto dutnje áššái gulli beallin. Jus váldi ii geavahuvvo, jus ovdamearkka dihte suohkan ii njulge dakkár dilálašvuođa maid oaivvildat sáhttit vahágahttit iežat dearvvašvuođa, de sáhtát maiddái váidit maŋŋel go leat ovddidan ášši.
Dearvvašvuođabálvalusa dahje dearvvašvuođabargiid sáhtát váidit, jus ovdamearkka dihte oaivvildat iežainat leat meannuduvvon fuolahemet. Dalle ovddiduvvo gáibádus fylkka dearvvašvuođagehččui árvvoštallat dilálašvuođaid.
Iešguđet doaimmaid siskkáldas dárkkástusain, galget leat ortnegat dasa movt dustet geavaheddjiid oaiviliid, jus ovdamearkka dihte leat duhtameahttumat bálvalusain, vai dan sáhttá atnit ávkin bálvalusa buorideamis ja eastadit dakkár dilálašvuođaid boahtteáiggis.
Liŋkkat
Maŋemus rievdaduvvon 8.11.2004
|