St.prp:s nr 1 (2003-2004) 2004 stáhtabušeahta birra leat Dearvvašvuođagehččui addon dát mihttomearit, mat maiddái gustojit fylkkamánniide ja fylkkaid Dearvvašvuođagehččui.
Geahččoeiseválddiit galget leat mielde fuolaheame ahte:
- álbmoga dárbbu dearvvašvuođabálvalusaide vuhtii váldojuvvojit
- bálvalusat doaimmahuvvojit fágalaččat bealuštahtti vuogi mielde
- bálvalusaid addima hehttehusat eastaduvvojit
- resurssat geavahuvvojit bealuštahtti ja bevttolaš vuogi mielde
Sosiála- ja dearvvašvuođabálvalusaid geahču strategiijaplánas 2004-2006 leat dearvvašvuođageahču politihkalaččat addon mihttomearit čoahkkáigesson ná:
- fuolahit ahte servodaga gáibádusat devdojuvvojit ja njulget boasttogeavvamiid
- fuolahit álbmoga riektesihkarvuođa bálvalusaid geavaheami dáfus bearráigeahččandoaimmaid ja váidalusgieđahallamiid bokte
- leat guovddáš gaskaoapmin sihkkarastimis álbmogii doarvái bálvalusaid bealuštahtti dásis
- doaimmahit geahču nu ahte dat leat positiiva veahkkin bálvalusaid iežas kvalitehtasihkkarastimis
- doaimmahit stáhtalaš geahču suohkaniid bálvalusaid dáfus buori oktiiheiveheami bokte ja suohkaniid iešstivrejumi árvvus atnimiin
- doaimmahit ovttalágán geahču miehtá riikka, namalassii ovttalágán dáhpáhusaid gieđahallat ovttaládje, ja ahte iešguđetlágán gieđahallama ágga galgá áššálaččat čilgejuvvot, ja fuolahit ahte leat resurssat doaimmahit dan geahččodoaimma maid politihkalaš eiseválddit leat sihtán
- bearráigeahččoeiseválddiin galgá leat alla fágalaš integritehta ja nana gelbbolašvuohta sosiál- ja dearvvašvuođasurggiin ja juridihkas, vai almmolašvuohta, eiseválddit ja bálvalusat sáhttet atnit geahču relevántan ja luohtehahttin.
|