|
Almmolaš kantuvrrain lea geatnegasvuohta rávvet ja bagadit go ozat bálvalusa dahje veahki. Kantuvra galgá maiddái, go dahká mearrádusa, čilget váidinvuoigatvuođa, váidináigemeriid ja gosa sáhttá váidit. Juohke mearrádusas galgá ágga čilgejuvvot.
Dat ásahus mii álgoálggus mearridii áššis, sáhttá du veahkehit čállit váidaga ja addit dutnje eará dieđuid vuoigatvuođaidat birra váidaga meannudettiin. Muhtun áššiid oktavuođas sáhttá váidinásahus addit dán veahki. Jus njálmmálaččat váiddát, veahkeha dat geasa leat váidága ovddidan, evttohit movt váidaga čállit.
Advokáhtta sáhttá maiddái veahkehit váidit. Jeara ovdalgihtii man olu šaddá máksit.
Jus ášši gusto spesialistadearvvašvuođabálvalusaide nu movt buohcciviesuide, buhcciidservviide (geahča vuollelis), suohkandearvvašvuođabálvalussii dahje suohkana sosiálakantuvrii, de sáhttá divššohasáittardeaddji veahkehit.
Nuvttá riekteveahkki
Don sáhtát fylkkamánnis ohcat oažžut nuvttá riekteveahki, jus sisaboahtu dahje opmodat lea vuollel dihto meari, ja jus nuvttá riekteveahki eavttut muđui devdojuvvojit. Nuvttá riekteveahki lága njuolggadusain (láhkaásahusas) čilgejuvvojit gustojeaddji mearit ja eavttut.
Praktiserejeaddji advokáhtain lea geatnegasvuohta čilget vejolašvuođa ohcat nuvttá riekteveahki, dalle go dus sáhttá leat vuoigatvuohta dakkár veahki oažžut.
Maiddái láhkastudeanttat fállet nuvttá juridihkalaš veahki:
Liŋkkat
Dáin liŋkkain gávnnat almmolaš ásahusaid ja beroštusorganisašuvnnaid mat fállet veahki:
Maŋemus rievdaduvvon 16.3.2006
|