Jus oaivvilda iežas leat gillán ekonomalaš vahága, dahje oaivvilda alddis leat rievtti oažžut buhtadusa boasttu divššu geažil, boasttu mearrádusaid geažil jna., de sáhttá ovddidit buhtadusgáibádusa.

Buhtadusgáibádusa dearvvašvuođabálvalusa boasttudivššu geažil, sáhttá ovddidit Norsk Pasientskadeerstatningii (Norgga divššohasvahátbuhtadussii). Mearrádusaid maid Norsk Pasientskadeerstatning lea dahkan, sáhttá váidit Divššohasvahátlávdegoddái.

Dálkkasgeavaheami vahátáššit gullet Dálkkasdáhkáduspoolii. Norsk Pasientskadeerstatning meannuda dálkkasgeavaheami áššiid Dáhkádusortnega bealis. NPE:in sáhttá váldit oktavuođa jus ležžet gažaldagat.

Buhtadusgáibádusat sáhttet maiddái ovddiduvvot duopmostuoluide.

Áibbas erenoamáš oktavuođain sáhttá juolluduvvot šállobuhtadus. Šállobuhtadusain oaivvilduvvo buhtadus mii juolluduvvo vuigesárvvoštallama vuođul. Dát sáhttá juolluduvvot vaikko ii leat rievttálaš vuođđu juolludit buhtadusa. Go lea gillán vahága, de ii leat náppo rievttálaš vuoigatvuohta buhtadusa oažžut (NOU 1992:6 Erstatning ved pasientskader (Buhtadus divššohasvahágiid dáfus)). Buhtadus addo dasa gii lea erenoamážit vaháguvvon dikšodilálašvuođa geažil, go buohtastahttojuvvo dainna joavkkuin mainna lea lunddolaš su buohtastahttit. Šállobuhtadusa ohcan stáhtas sáddejuvvo Justiisadepartementii. Šállobuhtadusáššit eai boarásnuva goasse.

Maŋemus rievdaduvvon 19.4.2004