Peršovnnalaš veahkki geavaheaddji dárbbuid mielde
Son guhte deavdá lága § 4-3 eavttuid, galgá oažžut bálvalusaid § 4-2 olis. Dat bálvalus sáhttá leat: peršovnnalaš veahkki geavaheaddji dárbbu mielde. Peršovnnalaš veahkki geavaheaddji dárbbuid mielde lea sierra ortnet maid suohkan galgá fállat seamma láhkái go eará láhkaregulerejuvvon bálvalusaid nai sosiálabálvaluslága olis.

Mii lea peršovnnalaš veahkki geavaheaddji dárbbuid mielde
Dat lea doaimmashehttejuvvomiid geavatlaš ja peršovnnalaš veahki molssoevttolaš organiseren, ja dalle lea dárbbašeaddji ieš peršovnnalaš vehkiidis bargojođiheaddjin. Doaimmashehttejuvvon olmmoš sáhttá prinsihpalaččat dalle ieš mearridit gean dáhttu veahkkin, maid veahkki galgá bargat, gos ja goas veahkki galgá addot. Ulbmil peršovnnalaš vehkiin iežas dárbbuid mielde, lea ahte doaimmashehttejuvvon olmmoš galggašii beassat eallit aktiiva eallima nu iešbirgejeaddjin go vejolaš.

Ohcan/váidda
Dákkár bálvalusa ozat ássansuohkanis. Dábálaččat galleda suohkan ruovttu gávnnahan dihte makkár veahki dárbbašat. Suohkan galgá dahkat mearrádusa ohcamuša hárrái, ja čilget makkár ja man olu veahkki fállojuvvo.

Jus suohkana fálaldat ii govčča du sosiála dárbbuid, de sáhtát váidit suohkana mearrádusa. Fylkkamánni lea váidinásahus. Váidaga sáddet suohkanii.

Liŋkkat