|
|
Vuoigatvuohta oažžut helpema
Vuoigatvuohta oažžut helpendoaimmaid gusto buohkaide geain leat erenoamáš lossa fuolahusbarggut. Helpen galgá veahkehit fuolaheaddji doalahit buriid bearašoktavuođaid, áittardit sosiála fierpmádaga ja addit vejolašvuođa oažžut dárbbašlaš ja jámmadis astoáiggi ja luomu. Sihke son gii helpe ja son gii helpejuvvo galgaba váldot mielde plánemii.
Helpet sáhttá sihke priváhta ruovttuin ja dihto suohkandoaimmain, ovdamearkka dihte buohcciviesuin. Helpendoaimmaid ovddas ii galgga máksit. Danne lea deaŧalaš earuhit helpema sosiálabálvaluslága olis, ja oanehet áiggi orostallama ásahusain suohkandearvvašvuođabálvaluslága olis. Helpendoaibma lea veahkki fuolaheaddjái, oanehet áiggi orostallan lea fas dearvvašvuođaveahkki fuolahusdárbbašeaddjái suohkandearvvašvuođabálvaluslága olis. Suohkan sáhttá gáibidit mávssu oanehet áiggi orostallama ovddas ásahusain.
Ohcan/Váidda
Helpenocan sáddejuvvo suohkanii. Suohkan galgá dahkat mearrádusa ohcamuša hárrái, ja čilget makkár ja man olu veahkki fállojuvvo. Ohcci sáhttá mearrádusa váidit jus ovdamearkka dihte suohkana fálaldat ii govčča sosiálabálvalusa dárbbu. Fylkkamánni lea váiddaásahus. Váidda sáddejuvvo suohkanii.
Liŋkkat
Sosiálabálvalusláhka § 4-2
Maŋemus rievdaduvvon 19.4.2004
|
 |
|
|
|
|
|
|