|
Vuoigatvuohta oažžut gaskaboddosaš orrunsaji
Sosiálabálvalusláhka geatnegahttá suohkana gávdnat orrunsaji daidda geat ieža eai dan nagot ja geat orrot suohkanis. Bálvalus lea áigeguovdil fáhkkadilálašvuođain, ovdamearkka dihte buollima oktavuođas, jus ásodagas bijahallá eret, jus bearaš bieđgana dahje ovttaseallit earráneabba. Orrun gaskaboddosaš orrunbáikkis ii berre bistit guhkit áiggi.
Sosiáladepartemeanta lea almmuhan bagadusa suohkaniidda gaskaboddosaš orrunsajiid kvalitehtagáibádusaid hárrái (geahča vuollelis).
Justiisa- ja politiijadepartemeanta, Gielda- ja guovludepartemeanta ja Sosiáladepartemeanta leat ráhkadan ásodatsosiála barggu bagadusa (geahča vuollelis). Sosiálabálvalus galgá maiddái veahkehit gávdnat bistevaš ásodagaid sidjiide geat leat váttis dilis. § 3-4 láhkavuođu olis galgá sosiálabálvalus veahkehit dábuhit ásodagaid olbmuide geain alddiineaset eai leat návccat fuolahit beroštumiideaset ásodatmárkanis, dása gullet ásodagat mat leat erenoamážit heivehuvvon, ja veahkke- ja suodjalandoaimmat sidjiide geat daid dárbbašit, agi, doaimmashehttejumi dahje eará árttaid geažil.
Sidjiide geain leat váttisvuođat ásodatmárkanis, sáhttá leat ávkkálaš oažžut suohkana sosiálabálvalusa dahje ásodatkantuvrra neavvagiid ja bagadeami.
Ohcan/váidda
Ohcan ovddiduvvo suohkanii. Suohkan galgá dahkat mearrádusa ohcamuša hárrái, ja čilget makkár ja man olu veahkki fállojuvvo. Jus suohkana fálaldat ii govčča du sosiála dárbbuid, de sáhtát váidit suohkana mearrádusa. Fylkkamánni lea váidinásahus. Váidaga sáddet suohkanii.
Liŋkkat
Maŋemus rievdaduvvon 20.4.2004
|