Go psyhkalaš doaimmashehttejuvvomiid guovdu geavahuvvo váldi ja bággen
Sosiála bálvalusaid láhka addá láhkavuođu geavahit válddi ja bággema psyhkalaš doaimmashehttejuvvomiid guovdu vai dakko bokte eastada sin roasmmahuhttimis iežaset dahje earáid. Válddi geavahemiin ja bággemiin oaivvilduvvojit doaimmat maid bálvalusvuostáiváldi vuostálastá, dahje doaimmat mat leat nu duođalaččat ahte dat beroškeahttá vuostálastimis lohkkojit válddi geavaheapmin ja bággemin. Dáid mearrádusaid árvvoštallamii ja áššemeannudeapmái leat garra gáibádusat. Válddi geavahit ja bágget sáhttá dušše fal dalle go dat lea fágalaččat ja etihkalaččat dohkálaš, ja go ferte dan dahkat vai eastada dahje ráddje duohta vaháguhttima.
Galgá nammaduvvot veahkkeváldeguoddi. Válddi geavahit ja bágget oažžu dušše fal čuovvovaš oktavuođain:
a) vaháteastadeaddji doaibman heahtedilis
b) plánejuvvon vaháteastadeaddji doaibman dávjjes heahtediliin, dahje
c) doaibman mainna gokčá bálvalusvuostáiváldi vuođđodárbbuid ja vejolaš oahpahan- ja hárjehallandoaimmaid.
Suohkana áššemeannudeamis ja vejolaš válddi- ja bággema mearrádusaid oktavuođas (b ja c), galget spesialistadearvvašvuođabálvalusat searvat árvvoštallamii. Fylkkamánni galgá dárkkistit (dohkkehit) mearrádusaid. Bálvalusvuostáiváldis, váldeguoddis/ veahkkeváldeguoddis ja lagas olbmuin lea vuoigatvuohta váikkuhit ja dieđuid oažžut proseassas.
Váidit válddi geavaheami ja bággema (§ 4A-11)
Bálvalusvuostáiváldi, váldeguoddi/veahkkeváldeguoddi ja lagas olbmot sáhttet váidit mearrádusa válddi geavaheami ja bággema hárrái § 4A-5B ja C mielde. Válddi geavaheami ja bággema mearrádusat vaháteastadeaddji doaibman heahtedilálašvuođain § 4A-5A mielde sáhttá maŋŋel váidit, ja váidda ii váikkut praktihkalaččat doaimmaide mat leat juo čađahuvvon, vaikko fylkkamánni váiddameannudeapmi sáhttá ge rievdadit boahttevaš praksisa. Mearrádusaid maid fylkkamánni lea rievdadan, sáhttá váidit sosiála áššiid fylkkalávdegoddái. Mearrádusaid sáhttá maid ovddidit duopmostuoluide.
Váidda sáhttá maiddái ovddiduvvot jus Fylkkamánni biehttala dohkkeheamis suohkana mearrádusa ja suohkan aŋkke dáhttu čađahit doaimma. Maiddái dáin áššiin lea sosiála áššiid fylkkalávdegoddi váidinásahussan.
Liŋkkat
Maŋemus rievdaduvvon 23.3.2004
|