Jus ohccojuvvot almmolaš buohccivissui dahje spesialistapoliklinihkkii, de lea dus vuoigatvuohta oažžut iežat dearvvašvuođadili árvvoštallojuvvot 30 bargobeaivvi sisa. Du dearvvašvuođaveahkkedárbu galgá árvvoštallojuvvot, ja dus lea vuoigatvuohta oažžut diehtit diagnosa, lea go buozanvuohta duođalaš ja goas vejolaš dikšun lea jurddašuvvon álggahuvvot. Jus navdojuvvo leat duođalaš dahje heakkavárálaš buozanvuohta, de lea dus vuoigatvuohta oažžut jođánet árvvoštallama.

 

Árvvoštallanvuoigatvuhtii gullá maiddái iskkadeapmi jus čálalaš ohcamis eai leat doarvái dieđut. Dalle fertejit dárbbašlaš iskkadeamit dahkkot 30 bargobeaivvi sisa dan rájes go spesialistadearvvašvuođabálvalus lea ožžon vuosttaš ohcamuša. Dát áigemearri gusto beroškeahttá das ahte leat go eanet spesialisttat du iskan vai leat go sirdojuvvon ovtta ásahusas nubbái.

 

Divššohasvuoigatvuođalágas § 2-2 nannejuvvo árvvoštallanvuoigatvuohta, ja don sáhtát dáhttut das gii addá dearvvašvuođaveahki ahte vuoigatvuohta ollašuhttojuvvo divššohasvuoigatvuođalága § 7-1 olis. Jus vuoigatvuohta ii ollašuva, de sáhtát váidit dan fylkka Dearvvašvuođagehččui gos veahkki addo. Váidinvuoigatvuohta lea čilgejuvvon divššohasvuoigatvuođalágas § 7-2.

 

Liŋkkat