Vuoigatvuohta oažžut ođđa árvvoštallama
Jus spesialistadearvvašvuođabálvalus lea árvvoštallan du dearvvašvuođadili, de sáhttá dus leat vuoigatvuohta oažžut ođđa árvvoštallama eará doavttirspesialisttas. Dat sáhttá šaddat áigeguovdilin jus eahpidat diagnosa, dahje jus it dohkket plánejuvvon dikšundoaimmaid. Ođđa árvvoštallangáibádusa ii dárbbaš ákkastallat. Vuoigatvuohta oažžut ođđa árvvoštallama gusto dušše oktii seamma dilálašvuođa ovddas, ja du dábálaš doavttir (fástadoavttir) ferte leat ođđa ohcamuša sádden spesialistadoaktárii. Jus du dábálaš doavttir oaivvilda ahte ođđa árvvoštallamis ii leat dutnje ávki, de it sáhte njuolggadusa mielde gáibidit ođđa árvvoštallama. Du dábálaš doavttir sáhttá biehttalit sáddemis du eará doaktára lusa, muhto sus galgá leat dasa áššálaš ágga, ovdamearkka dihte jus du dearvvašvuođadilli juo lea dárkilit iskkaduvvon, ja konklušuvnnat ja fágalaš árvvoštallamat eai oro leame eahpidahttit.
Divššohasvuoigatvuođalágas § 2-3 čilgejuvvo vuoigatvuohta ođđa árvvoštallamii, ja don sáhtát dáhttut das gii addá dearvvašvuođaveahki ahte vuoigatvuohta ollašuhttojuvvo divššohasvuoigatvuođalága § 7-1 olis. Jus vuoigatvuohta ii ollašuva, de sáhtát váidit dan fylkka Dearvvašvuođagehččui gos veahkki addo. Váidinvuoigatvuohta lea čilgejuvvon divššohasvuoigatvuođalágas § 7-2.
Liŋkkat
Maŋemus rievdaduvvon 29.3.2004
|