Dus lea vuoigatvuohta válljet guđe buohcciviesu dahje guovllupsykiáhtralaš guovddáža dáhtut árvvoštallat iežat dearvvašvuođa, ja gos dáhtut divššu oažžut. Fáhkkaveahki dáfus gal dattege ii gusto dát. Go ieš vállje buohcciviesu, de ii mearkkaš dat ahte beassá dikšundási válljet, ovdamearkka dihte ii leat vuoigatvuohta válljet eanet spesialiserejuvvon buohcciviesu go dan maid dárbbaša.
Vuoigatvuohta beassat válljet buohcciviesu gusto buot Norgga almmolaš buohcciviesuide ja priváhta buohcciviesuide maiguin dearvvašvuođadoaimmahat leat dahkan soahpamuša. Berret iežat doaktáriin hupmat buohcciviesu válljema hárrái. Buohcciviesu válljema hárrái ja dihto kirurgalaš divššu vuordináiggiid hárrái sáhtát riŋget ruoná nummarii 800 41 004, ja geahččat neahttasiiddu http://www.sykehusvalg.net/.
Go geavahat iežat vuoigatvuođa oažžut divššu eará buohcciviesus go das mii lea lagamusas, de šattat ovtta oasi mátkegoluin ieš máksit. Loahpa máksá álbmotoadju. Divššohasvuoigatvuođalágas § 2-4 nannejuvvo vuoigatvuohta ieš válljet buohcciviesu, ja don sáhtát dáhttut das gii addá dearvvašvuođaveahki ahte vuoigatvuohta ollašuhttojuvvo divššohasvuoigatvuođalága § 7-1 olis. Jus vuoigatvuohta ii ollašuva, de sáhtát váidit dan fylkka Dearvvašvuođagehččui gos veahkki addo. Váidinvuoigatvuohta lea čilgejuvvon divššohasvuoigatvuođalágas § 7-2. Friddja buohcciviesu válljenortnet lea čakčamánu 1.b. rájes viiddiduvvon nu ahte gusto buot almmolaš buohcciviesuide ja guovllupsykiáhtralaš guovddážiidda ja priváhta buohcciviesuide mat leat dahkan šiehtadusa guovllu dearvvašvuođadoammahagain. Divššohasat sáhttet ieža válljet gos árvvoštallan galgá čađahuvvot ja gos vejolaš dikšun galgá čađahuvvot. Maiddáid mánáid- ja nuoraid psyhkalaš dearvvašvuođasuodjalusa divššohasat sáhttet friddja válljet buohcciviesu.
Liŋkkat
Maŋemus rievdaduvvon 3.9.2004
|