Jus don iežat dearvvašvuođa dili geažil dárbbašat guhkit áiggi ja oktiiheivehuvvon dearvvašvuođabálvalusaid, de dus lea vuoigatvuohta oažžut ráhkaduvvot dikšunplána. Plána galgá veahkkin čielggadit du dikšuma ovddasvástádusbeliid, ja čilget makkár divššu, doaimmaid ja bálvalusaid sáhtát oažžut ja goas daid oaččut. Individuála plána galgá gokčat du dárbbuid suohkandearvvašvuođabálvaluslága, spesialistadearvvašvuođalága ja psyhkalaš dearvvašvuođasuodjaluslága njuolggadusaid olis. Plána eaktuda náppo spesialistadearvvašvuođabálvalusa ja suohkana ovttasbarggu.
Divššohasvuoigatvuođalágas § 2-5 nannejuvvo vuoigatvuohta oažžut individuála plána, ja don sáhtát dáhttut das gii addá dearvvašvuođaveahki ahte vuoigatvuohta ollašuhttojuvvo divššohasvuoigatvuođalága § 7-1 olis. Jus vuoigatvuohta ii ollašuva, de sáhtát váidit dan fylkka Dearvvašvuođagehččui gos veahkki addo. Váidinvuoigatvuohta lea čilgejuvvon divššohasvuoigatvuođalágas § 7-2.
Liŋkkat
Maŋemus rievdaduvvon 7.1.2005
|