|
Pasieantan (divššohassan) lea dus vuoigatvuohta oažžut dieđuid iežat dearvvašvuođadilálašvuođa, diagnosa (siva) ja divššu birra. Dus lea earret eará vuoigatvuohta oažžut dieđu vejolaš dikšunvugiid birra, man guhká dikšu bistá, man viiddis dat lea ja vejolaš váttisvuođaid ja liigeváikkuhusaid birra.
Jus leat biddjon buohccivissui, de lea dihto doaktáris ovddasvástádus du guovdu. Du ovddasvástideaddji doavttir lea du gulahallanolmmoš, geas lea ovddasvástádus oktiiheivehit iskkademiid ja dikšundoaimmaid čađaheami.
Don sáhtát ieš mearridit man ollu dieđuid háliidat oažžut. Dat liikká ii guoska dieđuide mat leat dárbbašlaččat dasa ahte eastadit vaháguvvamiid dearvvašvuođaveahki geažil dahje dalle go lea lága bokte mearriduvvon.
Vuoigatvuohta dieđuide čilgejuvvo divššohasvuoigatvuođalágas § 3-2 ja don sáhtát bivdit su, gii addá dearvvašvuođaveahki, deavdit geatnegasvuođa divššohasvuoigatvuođalága § 7-1 mielde. Jus riekti ii ollašuhttojuvvo, de sáhtát váidit dan fylkka Dearvvašvuođagehččui, gos dearvvašvuođaveahkki addojuvvo. Váidinvuoigatvuohta lea nannejuvvon divššohasvuoigatvuođalágas § 7-2.
Liŋkkat
Maŋemus rievdaduvvon 29.3.2004
|