Dus lea mielváikkuhusvuoigatvuohta go vejolaš ja dohkálaš iskkadan- ja dikšunvuogit galget árvvoštallojuvvot. Leat dattege dearvvašvuođabargit geat loahpalaččat mearridit ja geain lea ovddasvástádus dasa ahte dikšun čađahuvvo dohkálaččat.
Dus lea vuoigatvuohta váldit earáid fárrui go galggat iskkaduvvot dahje dikšojuvvot, ovdamearkka dihte náittusguoimmi dahje ustiba.
Divššohasvuoigatvuođalágas § 3-1 nannejuvvo mielváikkuhusvuoigatvuohta, ja don sáhtát dáhttut das gii addá dearvvašvuođaveahki ahte vuoigatvuohta ollašuhttojuvvo divššohasvuoigatvuođalága § 7-1 olis. Jus vuoigatvuohta ii ollašuva, de sáhtát váidit dan fylkka Dearvvašvuođagehččui gos veahkki addo. Váidinvuoigatvuohta lea čilgejuvvon divššohasvuoigatvuođalágas § 7-2.
Liŋkkat
Maŋemus rievdaduvvon 29.3.2004
|