Dearvvašvuođabargiin lea jávohisvuođageatnegasvuohta du dearvvašvuođadili ja divššu birra maid don oaččut. Jus don mieđihat, de sáhttet ovdamearkka dihte du lagamuččaide addit đieđuid. Dalle sáhttet du lagamuččat oažžut dieđuid du dearvvašvuođadili birra, dás maiddái diagnosa (siva) ja makkár bohtosiid dearvvašvuođaveahkki vurdojuvvo addit. Don sáhtát maid mearridit ahte dušše muhtun dihto dieđut ožžot addojuvvot. Muhtomin sáhttá dilálašvuohta leat nu ahte oapmahaččaide galgá dieđihuvvot, vaikko don it leat ge ovdalgihtii mieđihan dasa.
Dakkqr pasienttaid dikšumis, geat ieža eai sáhte áimmahuššat áššiideaset, lea oapmahaččain vuoigatvuohta oažžut dieđuid. Geahča eanet dieđuid addima birra bajilčállagis ”Vuoigatvuohta čiegusin doallat dieđuid – jávohisvuođageasku.”
Vuoigatvuohta addit dieđuid oapmahaččaide lea čilgejuvvon divššohasvuoigatvuođalágas § 3-3 ja don sáhtát bivdit su, gii addá dearvvašvuođaveahki, deavdit geatnegasvuođa divššohasvuoigatvuođalága § 7-1 mielde. Jus riekti ii ollašuhttojuvvo, de sáhtát váidit dan fylkka Dearvvašvuođagehččui, gos dearvvašvuođaveahkki addojuvvo. Váidinvuoigatvuohta lea nannejuvvon divššohasvuoigatvuođalágas § 7-2.
Liŋkkat
Maŋemus rievdaduvvon 29.3.2004
|