Go don leat divššohassan (pasientan) de galgá čállojuvvot divššohasjournála. Divššohasjournála lea dearvvašvuođabargiid bargoreaidu, mas du buohcan- ja dikšohistorjá boahtá ovdan. Journálas galget leat dieđut gávdnosiid, diagnosa, divššu, dahkkon árvvoštallamiid birra, makkár dieđut leat addon ja eará dilálašvuođaid birra mat leat du dikšuma dáfus áigeguovdilat.
Dábálaččat lea dus vuoigatvuohta oaidnit iežat pasieantajournála. Dasa lassin lea dus vuoigatvuohta oažžut journálas kopiija. Go bivddát kopiija, de sáhttá buohcciviessu dahje doavttirkántuvra gáibidit mearriduvvon mávssu kopiija ovddas. Jus dáhtut, de sáhtát maiddái oažžut oanehaččat čilgejuvvot fágasániid ja dan lágániid mat lea čállojuvvon journálii.
Soames hárve oktavuođain sáhttet biehttalit čájeheamis dutnje journála dahje osiid das. Dasa leat dušše guokte ákka. Juogo dan dihte go lea áibbas dárbbašlaš hehtten dihte heakkavára dahje du dearvvašvuođa vaháguvvama, dahje jus oaidnin lea čielgasit rávvemeahttun du lagas olbmuid vuhtii váldima geažil.
Og divššohas lea jápmán, de dábálaččat lea lagamuččain vuoigatvuohta oaidnit divššohasjournála. Čájeheapmi sáhtte biehttaluvvot dušše hui erenoamáš dilálašvuođaid geažil.
Vuoigatvuohta beassat oaidnit journála nannejuvvo divššohasvuoigatvuođalágas § 5-1 ja don sáhtát bivdit dan gii addá dearvvašvuođadivššu deavdit vuoigatvuođa divššohasvuoigatvuođalága § 7-1 mielde. Jus vuoigatvuohta ii devdojuvvo, de sáhtát váidit dan fylkka Dearvvašvuođagehččui gos dearvvašvuođaveahkki addojuvvo.
Liŋkkat
Maŋemus rievdaduvvon 29.3.2004
|