Rávisolbmuin ii leat lága mielde fuolahusgeatnegasvuohta guđetguimmiideasat ovddas. Danne ii sáhte suohkan hilgut bálvalusohcamuša dainna ákkain ahte ohcci sáhttá oažžut priváhta veahki iežas lagas olbmuin. Dattege dovdet eatnasat morálalaš ovddasvástádusa lagamuččaideaset ovddas, ja dáhttot danne bargat fuolahusbargguid. Jus doaimmaha erenoamáš lossa fuolahusbargguid, de sáhttá gáibidit suohkana álggahit doaibmabijuid mat geahpedit ovddasmorraša. Lea maiddái govttolaš ahte fuolaheaddji dáhttu diehtit suohkana fálaldagaid vai sáhttet plánet luomu ja astoáiggi, ja muđui eallit nu dábálaččat go vejolaš. Ovdamearkkat dákkár doaimmaide leat helpen, fuolahusbálká, doarjjaolmmoš, ruovttuveahkki ja sáhtostanbálvalus.