Rávvagat ja bagadeapmi sosiálabálvaluslága olis
Vuoigatvuohta oažžut rávvagiid ja bagadeami sosiálabálvaluslága olis, lea čilgejuvvon lága §:s 4-1. Rávvágiid ja bagadeami fállá sosiálakantuvra, dikšun- ja fuolahuskantuvra, servicekantuvra dahje sosiála bálvalusaid geavaheaddjeguovddáš. Lea eaktuduvvon ahte bargiin geat bagadit, lea doarvái buorre diehtu áššiid birra. Geavaheaddji šaddá dábálaččat ieš váldit oktavuođa vai oažžu rávvagiid ja veahki. Sosiálabálvalusas eai leat álo visot dieđut veahki birra mii sáhttá fállojuvvot iešguđetlágán sosiála váttisvuođaid oktavuođas. Das lea dattege ovddasvástádus láidestit geavaheaddji rievttes ásahussii.

Eastadeapmi
Bálvalus galgá addot olbmuide go rávvagat ja bagadeapmi sáhttá eastadit sosiála váttuid čuožžileamis.

Ekonomalaš ráđđeaddin
Buot suohkanat galget sáhttit fállat ekonomalaš rávvagiid, vealgeortnetlága § 1-5 mielde.

Gárrenmirkogeavaheaddjit ja sin lagas olbmot
Sosiálabálvalus galgá rávvet ja bagadit juohkehačča daš movt alkohola ja eará gárrenmirkkoid geavaheamis eret beassá. Seamma láhkái galgá maiddái lagas olbmuid rávvet, bagadit ja veahkehit.

Jávohisvuođageasku, heivvolaš bagadanlanjat
Ráđđeaddis lea jávohisvuođageasku sosiálabálvaluslága § 8-8 mielde. Sáhttá leat váttis ovddidit ášši ja oažžut veahki kantuvraboađáhagain ja rabas servicekantuvrrain. Danne sáhttá ohcci dáhttut beassat humadit heivvolaš lanjain guovttágaskan. Bálvalusbáikkiin, maiddái servicekantuvraboađáhagain/rabas servicekantuvrrain galgá addot fálaldat beassat humadit heivvolaš lanjain.

Liŋkkat