Norggas lea juohkehaččas vuoigatvuohta oažžut bátnedikšunveahki. Bátnedikšunlága § 1-3 regulere guđiin joavkkuin dát vuoigatvuohta lea ja movt dat vuoruhuvvojit. Vuoigatvuohta gusto mánáide ja nuoraide gitta dan jagi lohppii go devdet 18 jagi, psyhkalaš doaimmashehttejuvvomiidda ásahusain ja ásahusaid olggobealde, soames vuoras olbmuide, guhkilmas buhcciide ja lápmásiidda ásahusain ja ruovttubuohccidivššus, nuoraide geat devdet 19 dahje 20 dikšunjagis. Fylkkasuohkan sáhttá mearridit fállat bálvalusa maiddái eará joavkkuide. Jus eai leat doarvái resurssat addit fálaldaga buot joavkkuide, de sáhttá vuoruhit joavkkuid gaskka. Eastadeaddji doaimmat galget vuoruhuvvot ovdalii divššu.

 

Almmolaš bátnedikšunbálvalus galgá addit sutnje, guhte ohcá dahje dárbbaša bátnedikšunveahki, daid dieđuid maid son dárbbaša vuoigatvuođaidis áimmahuššat, ja bearráigeahččat ahte son ii dárbbaš gillát dárbbašmeahttun goluid, vahága, áiggi dahje váivvi. Jus eará ii leat mearriduvvon, de ferte divššohas ieš máksit bátnedikšunveahki ovddas.

 

Vuoigatvuohta oažžut bátnedikšunveahki nannejuvvo bátnedikšunbálvaluslágas § 2-1. Jus vuoigatvuohta ii ollašuhttojuvvo, de sáhtát váidit dan orgánii maid fylkkasuohkan mearrida. Jus mearrádus ii leat váidaleaddjái buorrin dahje jus váidda hilgojuvvo, de sáhttá mearrádusa váidit fylkka dearvvašvuođagehččui. Váidinvuoigatvuohta lea čilgejuvvon divššohasvuoigatvuođalágas § 2-3.

 

Liŋkkat