Gárrenmirkogeavaheddjiin leat dán sirdima vuođul vuoigatvuođat divššohasvuoigatvuođalága olis, seammaládje go eará divššohasjoavkkuin nai. Gárrenmirkogeavaheddjiid ođđa divššohasvuoigatvuođat mat leat čilgejuvvon Dearvvašvuođadepartemeantta I-8/2004 johtočállosis, leat:

• Vuoigatvuohta oažžut dálkkodeami gárrenmirkogeavaheami vuostá
• Vuoigatvuohta oažžut dearvvašvuođadilis árvvoštallojuvvot 30 beavvi sisa
• Vuoigatvuohta oažžut ođđa árvvoštallama
• Vuoigatvuohta beassat válljet gos gárrenmirkogeavaheapmi galgá dálkkoduvvot
• Vuoigatvuohta oažžut sierra dikšunplána
• Vuoigatvuohta oažžut mátkegoluid buhtaduvvot, maiddái dalle go ieš vállje dikšunbáikki
• Vuoigatvuohta mielváikkuheapmái ja dieđuide
• Njuolggadusat miehtama hárrái divššohasvuoigatvuođalága mielde gustojit maiddái gárrenmirkogeavaheddjiide geat galget dálkkoduvvot gárrenmirkogeavaheami vuostá
• Vuoigatvuohta iežas journála geahččat
• Vuoigatvuohta váidit fylkka Dearvvašvuođagehččui jus oaivvilda ahte vuoigatvuođat divššohasvuoigatvuođalága vuođul,eai leat fuolahuvvon
• Maiddái gárrenmirkodálkkodeapmi gullá divššohasáittardeaddji bargui

Gárrenmirkoreforbma ii leat rievdadan sosiálabálvalusa ovddasvástádusa fuolahit veahkkedoaimmaid gárrenmirkogeavaheddjiid várás.

Spesialistadearvvašvuođabálvalus lea šaddan ođđa ovttasbargoguoibmin sosiálabalvalussii, ja šaddá oktasaš hástalussan ovdánahttit ođđa doaibmaovttastusaid ja oktagaslaš plánaid mat geavatlaččat doibmet. Dán birra sáhtát lohkat Dearvvašvuođadepartemeantta cuoŋománu 2004 ođasreivves.

Liŋkkat

• Dearvvašvuođadepartemeantta cuoŋománu 2004 ođasreive
• Dearvvašvuođadepartemeantta diehtojuohkinsiidu gárrenmirkooreforpma birra 
• Gárrenmirkoreforbma – divššohasvuoigatvuođat spesialistadearvvašvuođabálvaluslága rievdadusat Dearvvašvuođadepartemeantta johtočálus I-8/2004-12-09.