|
 |
I samarbeid med Assessio Norge kan Høgskulen i Volda no tilby kurs i Wechslertestane WISC-III og WPPSI-R i tidsromet 28 februar til 3. mars 2005. Kursa er godkjende av Norsk
psykologforening (NPF). |
|
>> Meld deg på her |
Wechsler
Innføring
Psykologiske testar er hjelpemiddel som det krevst kunnskap i og røynsle med for å gjere rett. Wechslertestane blir nytta mellom anna av spesialpedagogar for å diagnostisere og utgreie born, ungdomar og vaksne. Første kursdag blir ei generell innføring i Wechslertestane. Denne kursdagen blir felles for deltakarane på WISC-III og WPPSI-R.
Tidspunkt og stad
Måndag 28. februar, klokka 9.00 - 16.00
På Høgskulen i Volda
WISC-III
- innføring i administrasjon og tolkning
Juvelen i norsk testpsykologi, WISC-R, har endeleg fått sin oppfølgjar. Testen er ei kognitiv funksjonskartlegging av barn. Metoden blir nytta for å planlegge tiltak i samband med spesialundervisning, oppdage styrker og svakheiter i kognitiv fungering, i tillegg til nevro-psykologisk kartlegging. WISC-III inneheld mange forbetringar og endringar.
Alle deltestane er endra, og ein ny har kome til. Det er gjort forbetringar i rutinene for administrering og skåring. Innføringskurset vil innehalde bakgrunn, nyheiter, deltestar, kritikk og bruk av testen (kva, korleis og når), samt administrering og skåring. Det er sett av tid til kvalitativ og kvantitativ tolking, rapportering, gruppearbeid og
diskusjon.
Tidspunkt og stad
Tirsdag 1. mars, klokka 9.00 - 16.00
På Høgskulen i Volda
WPPSI-R
- innføring i administrasjon og tolkning
WPPSI-R er eit grunnleggande verkty i arbeidet med barn i alderen 3 til 7 år. Testen blir nytta både til diagnostisering og utgreiing, og ved funksjonskartlegging. Kurset inneheld teoretisk bakgrunn, praktisk tilrettelegging og bruk, tolking av ulike resultat og profilar med døme frå ulike problemområde.
Tidspunkt og stad
Ondsdag 2. mars, klokka 9.00 - 16.00
På Høgskulen i Volda
Om kursa
Kurshaldar
Dag Øyvind Engen Nilsen.
Engen Nilsen er utdanna Cand.Psychol ved Blindern og arbeider hos Assessio Norge som prosjektleiar og fagansvarleg. Tidlegare erfaring frå PP tenesta og privatpraksis.
Opptakskrav
Cand.Psychol, Cand.Paed.Spes og Cand.Ed med spesialkurs i PP-rådgiving
Psykologforeningen (NPF) har bestemt at berre personar med Cand.Psychol, Cand.Paed.Spes og Cand.Ed har lov til å bruke WISC og WPPSI.
Har du ikkje fullført nokre av utdanningane over kan du likevel delta på kursa. Du kan etter fullført kurs administrere testing, men ikkje ha formelt ansvar for tolking. Du vil i så fall få testteknikerbevis som dokumentasjon på kursa.
Målgruppe
Det er ein fordel å vere i arbeid med born, ungdom eller vaksne for å ha tilgang til utprøvingar av studieopplegg og praksis. Det er ønskeleg at deltakarane sjølve har med seg testutstyr.
Uttelling
Etterutdanning med sertifisering/kursbevis. (Sjå under Opptakskrav).
Meld deg på!
Påmelding innan 21. januar 2005.
Prisar
WISC-III (ikl. innføring): 3 750 kr
WPPSI-R (ikl. innføring): 3 750 kr
Dersom du ønskjer å melde deg på begge
kursa kan vi tilby ein redusert pris: Begge kursa (ikl. innføring): 6 750 kr
Betaling skjer mot faktura seinast tre dagar før første kursdag. Påmelding er bindande og eventuell avmelding må skje skriftleg. Ved avmelding inntil 14 dagar før kursstart blir du belasta eit gebyr på 10 %. Ved avbestilling seinare enn 14 dagar blir du belasta med eit gebyr på 50 %. Ved avbestilling seinare enn to virkedagar før første kursdag blir du belasta full kursavgift.
Kapasitet
Det er plass til maksimalt tjue deltakarar på kvart kurs. (WISC-III og WPPSI-R). Vi tek atterhald om nok påmelde for at kursa skal bli skipa.
Kontakt
Kontoret for etter- og vidareutdanning ved Eirik Bech
T: 70 07 53 15 | E-post: eirikb@hivolda.no
|
