Om Høgskulen / Kvalitetsarbeid / Evaluering og rapportering / Kapittel 5. Evaluering og rapportering

5.1   Omtale av sentrale evalueringstiltak

Fagutvala skal vere bindeleddet mellom studentane på eit emne eller studieprogram og dei programansvarlege. Fagutvala  skal gi studentane og dei programansvarlege høve til å diskutere fagplanar og studieplanar og gjennomføringa av studium, og gi studentane høve til å kome med tilbakemeldingar på studieopplegget.

Arbeidet med fagutval går fram av retningslinene for fagutval. Alle studentar skal knytast til eit fagutval, og kvar avdeling avgjer strukturen i fagutvalsarbeidet ved si avdeling. Fagutvala skal vere samansett av både studentar og fagtilsette, og det skal vere minst to møte pr. semester.

Godkjende referat frå møte i fagutvalet skal sendast til dekanen for fortløpande vurdering og eventuell vidare oppfølging.

5.1.2        Utdanningssamtalar / Utdanningsplanar

Utdanningsplanen skal leggje til rette for at studentane kjem gjennom studiet på normert tid, og skal omhandle rettleiing, informasjon og studieplanlegging. Utdanningsplanane skal sikre eit tettare og meir forpliktande forhold mellom institusjonen og den einskilde studenten. Utdanningsplanen skal vere eit verktøy for begge partar i planlegginga og gjennomføringa av eit studieprogram.

Studentar ved studium på 60 studiepoeng eller meir får ved studiestart oppnemnt ein utdanningsrettleiar. Tidleg i første semesteret vil utdanningsrettleiaren kalle inn nye studentar  til ein samtale, individuelt eller gruppevis. Seinare i studieløpet pliktar partane å gjennomføre (minst) ein rettleiingssamtale om utdanningsplanen innan 15. november i haustsemesteret og 15. april i vårsemesteret, individuelt eller i gruppe.

Gjennomføring av utdanningssamtalar går fram av retningslinene for utdanningsplanar.

5.1.3        Evaluering av studieprogram

Studieprogramevalueringa skal gi studentar og studieprogramansvarlege høve til å evaluere og gi tilbakemelding om opplegget for og gjennomføringa av kvart studieprogram. Denne evalueringa gjeld berre studieprogram på 60 studiepoeng eller meir.

Kvart studieprogram skal evaluerast eksternt kvart femte år. Når det ikkje er ekstern programevaluering, skal det gjennomførast ei enklare form for internevaluering. Denne byggjer på emneevalueringane som inngår i programmet, sensorrapportar og eventuelt supplerande evalueringselement som fagmiljøet initierer. All evaluering skal danne grunnlag for systematisk analyse, faglege drøftingar og eventuelle forbetringar av studiekvaliteten.

Resultatet av evalueringane skal gjerast kjent for studentane.

Den studieprogramansvarlege oppsummerer alle tilbakemeldingane og drøftar resultata i fagmiljøet, som så gjev sine vurderingar av evalueringa. Dette, saman med eventuelle forbetringstiltak, vert formulert i ein skriftleg rapport. Rapporten for eit studieprogram bør også innehalde kommentarar til emneevalueringane for dei emna som inngår i studieprogrammet (sjå nedanfor). Dekanen analyserer alle studieprogramrapportane og utarbeider ein studiekvalitetsrapport for heile avdelinga. Avdelingsrapporten går vidare til Studieutvalet. Rapporteringa følgjer studieåret.

5.1.4        Evaluering av emne

Emneevalueringa skal gi studentar og emneansvarlege høve til å gi tilbakemelding om opplegget for og gjennomføringa av kvart emne. Emneevalueringa bygger på fagutvalsmøte og eventuelle supplerande evalueringstiltak, til dømes spørjeundersøking mellom studentar, sensorrapportar m.m. Poenget er at grunnlaget for evalueringa må vere dokumentert.

Den emneansvarlege oppsummerer tilbakemeldingane og drøftar resultata i fagmiljøet. Dette, saman med eventuelle forbetringstiltak, vert formulert i ein kort rapport som går til den studieprogramansvarlege (sjå ovanfor).

5.1.5        Kvalitetsikring av nye studieprogram og emne

Fagkollegavurdering av nye studie- og emneomtalar er innført for å sikre ei ekstern vurdering av nye studietilbod. Alle nye studie- og emneomtalar på 15 studiepoeng eller meir skal vurderast av to eksterne fagkollegaer frå to ulike institusjonar i forkant av godkjenninga av studiet/emnet. Fagkollegavurderingane følgjer avdelingane si saksutgreiing til studieutvalet ved godkjenning av emne- og studieomtalar.

Prosedyre for utarbeiding, utforming og godkjenning av studie- og emneomtalar går fram av retningslinene for emne- og studieplanarbeid.

Alle nye emne skal i tillegg til dei vanlege evalueringstiltaka ha minst ein ekstern sensor.

5.1.6        Spørjeundersøking om studiestart

HVO ønskjer å få tilbakemeldingar om kor godt ein lukkast med å nå fram med god og relevant studieinformasjon, kvaliteten på denne og mottakinga studentane får ved semesterstart. Kvar haust arrangerer informasjonskontoret difor ei spørjeundersøking om semesterstart til alle (førsteårs-) studentar på grunnstudium. Spørsmåla i undersøkinga blir stilt slik at resultata skal vere samanliknbare, og undersøkinga gir dermed eit godt grunnlag for å vurdere tenestene våre og setje i verk forbetringstiltak.

5.1.7        Intern evaluering av studiestart

HVO har eit særskilt studiestartutval som skal utarbeide ein overordna plan for studiestart og studentmottak. Utvalet evaluerer studiestarten kvar haust, reviderer den overordna planen for studiestart, og sender ein rapport til Studieutvalet med eventuelle forslag om tiltak som kan betre gjennomføringa av studiestarten.

Godkjende  referat frå møte i fagutvala blir sende til dekanane.

Studentane sine utdanningsplanar blir registrerte i Studentweb.

Studieprogramansvarlege skriv ein rapport for kvart evaluert studieprogram. Rapporten blir send til avdelingsleiinga for vidare handsaming. Rapporteringa følgjer studieåret.

Emneansvarlege skriv ein kort rapport for kvart emne og sender den til studieprogramansvarleg for det programmet emnet høyrer til. Rapporteringa følgjer studieåret.

5.2.2        Avdelingsvise rapportar om studiekvalitet

Kvar dekan utarbeider for kvart studieår ein rapport om studiekvalitet på grunnlag av rapportane frå dei studieprogramansvarlege. Rapportane følgjer studieåret og skal sendast til Studieutvalet innan 1. oktober.

Dei avdelingsvise rapportane skal

-     gi ei vurdering av studiekvaliteten ved avdelinga, og eit oversyn over resultat og tiltak

      i kvalitetsarbeidet

-    gi ei vurdering av kvalitetsarbeidet som grunnlag for ressursstyring og prioriteringar

     (menneskelege ressursar, infrastruktur, rammevilkår)

-         identifisere eventuelle problem som avdelinga ikkje kan løyse åleine.

Den avdelingsvise rapporten skal gi ei samla evaluering av undervisninga og utdanningstilbodet ved avdelinga.

5.2.3        Årsrapport om studiekvalitet

Studieutvalet utarbeider ein årsrapport om studiekvalitet på grunnlag av

·        Adelingsvise rapportar om kvalitetsarbeidet

·        Oppsummering av studiestartundersøkinga

·        Rapport frå læringsmiljøutvalet

·        Rapport frå internasjonalt utval

·        Statistikk frå målområda inntak-, ramme-, program- og resultatkvalitet

Årsrapporten skal gi ei samla og overordna evaluering av studiekvaliteten ved institusjonen, og gi eit oversyn over opplegg og tiltak i kvalitetsarbeidet. Årsrapporten skal innehalde eventuelle framlegg om forbetringstiltak og prioritering av ressursar til dei framlagde tiltaka.

Årsrapporten følgjer studieåret. Den skal leggjast fram for høgskulestyret tidsnok til at resultata i rapporten kan innarbeidast i budsjettet og årsplanane for komande år.

Skriv ut