 |
 |
 |
 |
| |  |
|
|
EtterutdanningFor alle barnehagetilsette tilbyr vi både kortare kurs og utviklingsarbeid med samlingar, mellomarbeid og rettleiing. Kontakt Signe Valsø ved Kontor for etter- og vidareutdanning for informasjon, tilbod og avtalar. IKT og medverknad Bør IKT inn som verktøy og leiketøy for barn i barnehagen? Kva rolle skal barn og vaksne ha i høve til IKT i barnehagen og korleis kan dette knytast opp mot medverknad? Omfang Fagansvarlege
IKT og kreativitet Det kreative barnet? Kan barn vere kreative utan papir og blyant? Det er viktig å lære barn korleis dei kan nytte det virtuelle mediet, bruke det i sine eigne kreative prosessar istaden for å "delta" i programmeraren sin prosess. Frå å vere passiv deltakar til å vere aktiv og kreativ. Det visuelle språket er eit språk med stor makt. Vi treng tidleg å lære oss kodene i det visuelle språket, både for at vi sjølve betre skal uttrykke oss visuelt, men også for å kunne forstå den massive påverknaden vi blir utsette for kvar dag frå vi er ganske små. Det blir stadig viktigare å lære barn å knekke dei visuelle kodene slik at dei kan forstå og gjere val i forhold til kva dei ser og blir påverka av. Omfang Fagansvarlege
Minoritetsspråklege barn i barnehagen Talet på minoritetspråklege born er aukande i barnehagen og dermed aukande behov for kompetanse i tospråkleg utvikling og fleirkulturell pedagogikk. Kurset tek utgangspunkt i utfordringar og mulegheiter som dette gir og korleis tilsette i barnehagen kan leggje til rette for å fremje språkleg kompetanse til dei minoritetspråklege. Omfang Fagansvarlege
Filosofiske samtalar om matematiske spørsmål Kurset er bygd opp med ei innføring i filosofisk samtale, etterfølgd av ei innføring i matematikkdidaktikk og matematiske emne – tilpassa deltakarane sin utdanningsbakgrunn. Til slutt blir det praktiske øving i filosofisk samtale med utgangspunkt i matematiske emne. Omfang Fagansvarlege
Leik og leikemateriell Det fysiske og materielle miljøet i barnehagen. Korleis kan barnehagen organisere det fysiske og materielle i miljøet for å stimulere til læring og leik? Omfang Fagansvarleg
Matkultur og kosthald i barnehagen Vi vert sosialisert inn i eit mat– og kosthaldsmønster der heimen, barnehagen og nærmiljøet alle er aktørar. Korleis kan vi bidra til å gi barn gode kosthaldsvanar? Kurset er både teoretisk og praktisk, og kan vere ope for foreldre. Omfang Fagansvarleg
Bildeboka og rammeplanen Kurset vil gi ei innføring i bildeanalyse gjennom praktiske eksempel. Vi vil diskutere det vanskelege kvalitetsomgrepet og korleis vi kan nytte bildeboka til språkstimulering, estetiske, etiske og kulturelle verdiar. Ein kan gi eit grunnkurs og eit utvida kurs der deltakarane arbeider med bildebøker i barnehagen sin før neste kursdel. Omfang Fagansvarleg
Barnehage og barnevern- fokus på bekymringsmelding Barnehagepersonell møter dagleg barn med ulike omsorgsbehov. I somme tilfelle er det naudsynt å setje inn tiltak for å betre omsorgsituasjonen.Då kan det bli naudsynt for barnehagepersonalet å samarbeide med fleire etatar og faggrupper. Det er viktig å skaffe seg kunnskap om kva plikter ein har overfor barn der ein er bekymra for omsorgssituasjonen og korleis ein kan gå fram for å få drøfta desse bekymringane nærare. Omfang Fagansvarlege
Språk og språkutvikling Rammeplanen frå 2006 legg auka vekt på læring, også av språklege ferdigheiter. Korleis kan barnehagen arbeide med fagområdet kommunikasjon, språk og tekst? Og korleis kan barnehagen bli ein læringsarena for alle barn, også dei med forseinka språkutvikling? Kurset vil gi ei innføring i språkutvikling og språkstimulering frå spedbarnsalder. Samtidig blir det vist kva vanskar som kan oppstå undervegs og korleis personalet kan tilrettelegge for stimulering av språk og samspel. Omfang Fagansvarleg
Omfang Fagansvarleg
|
|
| Oppdatert av Eirik Bech 23.05.2008 |