|
Om lag 90 av dei 120 deltakarane i Naturfag med mål og meining er kursdeltakarar (etterutdanning).
Kursdeltakarane er med på mindre forpliktande basis enn dei som tek vidareutdanning (med studiepoeng). Som kursdeltakar er ein med på samlingane og melder seg på verkstader på linje med studentane. Det er ikkje knytt forpliktande arbeid eller oppgåver, men deltaking på verkstader er ein føresetnad for å få kursbevis.
Kvar skule bør stille med minst ein student og ein kursdeltakar (små skular kan slå seg saman om å danne ei slik gruppe).
Ei viktig oppgåve for kursdeltakarane på eigen skule er å sette seg inn i og støtte den/dei som deltek som student i deira lokale utviklingsarbeid. På det viset har studenten nokon dei kan vende seg til for respons, idear, hjelp og støtte i det daglege.
|
