Transportsamarbeid
i Barentsregionen
Barentssamarbeidet blei etablert i 1993 og skal styrke
grenseoverskridande kontakt og problemløysing og fremje berekraftig utvikling i
Barentsregionen. Samferdselsdepartementet har det overordna ansvaret for Noregs
medverknad i Barentssamarbeidet når det gjeld transport.
Barentsregionen har ein befolkningsstruktur og eit næringsliv som
er lokalisert til eit fåtal sentrale område, med lange avstandar og ofte dårleg
utvikla kommunikasjonar. Transportinfrastrukturen er utvikla ut frå nasjonale
behov, og er mindre egna til å fremje kommunikasjonar på tvers av grensene.
Barents Euro-Arctic Pan-European Transport Area (BEATA) blei i
1997 etablert som ei ramme omkring transportsamarbeidet i regionen. BEATA skal
bidra til å utvikle eit effektivt transportsystem som legg til rette for auka
mobilitet på tvers av grensene i Barentsregionen.
I BEATA deltar Norge, Finland, Sverige, Russland og
EU-kommisjonen. Den regionale kommunikasjonsarbeidsgruppa, som består av
samferdselssjefane i dei nordlegaste fylka i Noreg, Finland, Sverige og
Russland, deltar som observatørar. Noreg, ved Samferdselsdepartementet, har
formannskapet i perioden 2003-2005. Arbeidet i BEATAs styringsgruppe skjer i samhøve
med eit fastlagt handlingsprogram.
Meir
om transportsamarbeidet i Barentsregionen finn du her:
www.barentsinfo.org
www.barentsinfo.fi/beata
www.barentsinfo.fi/stbr
Meir
om Barentssamarbeidet finn du her:
www.beac.st
www.odin.dep.no/europaportalen
www.barentsinfo.org
