Gonagas
nammadii Jens Stoltenberga nuppi ráđđehusa stáhtaráđis golggotmánu
17. b. 2005. Dat lea Bargiidbellodaga, Sosialisttalaš Gurutbellodaga ja
Guovddášbellodaga eanetlohkoráđđehus.
Jens
Stoltenberg lea riegádan Oslos njukčamánu 16. b. 1959. Son lea náitalan Ingrid Schulerudiin. Sudnos
leat guokte máná.
Stoltenberg lea cand.oecon (sosiálaekonoma)
Oslo universitehtas 1987.
Stoltenberg lei stáhtaministtar 2000-2001,
finánsaministtar 1996-1997 Thorbjørn Jaglanda ráđđehusas, ealáhus- ja
energiijaministtar 1993-1996 Gro Harlem Brundtlanda ráđđehusas, ja
Gro Harlem Brundtlanda ráđđehusa áiggi stáhtačálli Birasgáhttendepartemeanttas 1990-1991.
Stoltenberg lea Oslo stuorradiggeáirras 1993
rájes. Son lei Stuorradikki sadjásašáirras 1989-1993, oassálasttii
bissevaččat 1991-1993. Son lei Bargiidbellodaga parlamentáralaš
jođiheaddji ráđđehusmolsumis, ja son lei sosiálalávdegotti
lahttu 1991-1993, oljo- ja energiijalávdegotti jođiheaddji 1997-2000 ja
olgoriikalávdegotti lahttu 2001-2005.
Stoltenberg lea Bargiidbellodaga
jođiheaddji 2002 rájes, lei sadjásaš jođiheaddji 1992-2002 ja lea
bellodaga guovddášstivrra lahttu 1985 rájes. Son lei Arbeidernes
Ungdomsfylkinga (AUFa) jođiheaddji 1985-1989, AUFa guovddášstivrra lahttu
1979-1989, Sosialisttalaš nuoraidinternationála várrepresideanta (IUSY)
1985-1989, ja Oslo Bargiidbellodaga jođiheaddji 1990-1992.
Stoltenberg lei Global Vaccine Fund (GAVI)
lahttu 2001 rájes gitta ráđđehusmolsumii, lei Suodjaluskommišuvnna
lahttu 1990-1992, ja jođihii Ráđđehusa almmáirollajuhkosa 1986.
Jens Stoltenberg barggai oasseáiggi
journalistan Arbeiderbladet-aviissas 1979-1981, diehtojuohkinčállin Oslo
Bargiidbellodagas 1981, konsuleantan Statistihkalaš guovddášdoaimmahagas
1989-1990 ja sosiálaekonomiija logaldallin Oslo universitehtas 1989-1990.
17.
b. 2005
