|
|
|
|
Romssa universitehta Sámi dutkamiid guovddáš bargá fágaidrasttideaddji guolástusaid dutkanprográmma ásahemiin sámi perspektiivvas. Bargu dahkkojuvvo ovttasráđiid Sámi allaskuvllain, Finnmárkku allaskuvllain, Havforskningsinstitutt, Romssa ossodat ja Sámi Instituhttain. Prográmma gohčoduvvo Sámi guolástusdutkamiidprográmman, dáhje FÁVLLIS:n ” - sámegiel sátni mii sáhttá mearkkašit ” čiekŋalasas ” čázi vuolde” , dahje ” leat guhkkin eret meara alde.” |
|
Lea čađahuvvon ovdaprošeakta man Rådet for høgere utdanning i Nord-Norge ruhtadii. Ulbmilin lea ásahit dutkanprográmma mii guovdilastá váldofáttáid nugo hálddašeapmi (sisdoallá rievttálaš ja diehtolaš fáttáid), ekologiija ja báikkálaš árvolassáneapmi. Prográmma čujuha sámi riddo- ja vuotnaguovlluid ássanguovlluid ekologalaš proseassaide, ja dát čadno hálddašeami- ja vuoigatvuođagažaldagaide. Regiovnnalaš dilit gehččojuvvojit riikkaidgaskasaš nanaguoddevaš ovdánemiin ja bioeatnatvuođa beroštumiin.
Bargojoavku luonddudiehtaga, juridihka ja servodatdiehtaga gelbbuin, gos maid Sámediggi ovddasta guolástusfágalaš gealbbuin, jođiha barggu.
Loga eambbo
Geassemánu 2004:s ohcet ovttabargoásahusat doarjaga nannet ásahusovttasbarggu ja ovddidit prográmma fágalaš sisdoalu Norgga dutkanráđis.
|
|
|
