| |
Fiskeridepartementet viser til
telefaks frå Samferdselskomiteen av 2. februar 1999 kor følgjande spørsmål
vert retta til departementet:
« Kan det gjevast ei nærare grunngjeving for at det no vert lagd fram eit
eige forslag til endring i lov om hamner og farvatn når det likevel skal
vere i gang eit arbeid med å gjennomgå heile loven? »
Som det framgår av lovforslaget er Noreg forplikta til å tilpasse lovverket i samsvar med krava fastsett i rådsdirektiv 93/75/EØF om minimumskrav til fartøy som fører farleg og forureinande last.
EU-kommisjonen har sett fristar for gjennomføring av naudsynte tilpassingar. I følgje EFTA sitt overvakingsorgan (ESA) bør ein unngå fristoverskridingar, då EU-kommisjonen i yttarste konsekvens vil kunne rekne dette som eit brot på EØS-avtalen. For å unngå å hamne i ein slik situasjon har Fiskeridepartementet derfor fremja ovanfor nemnde lovforslag no.
Arbeidet med revisjon av hamne- og farvatnlova som komiteen viser til i telefaksen er under oppstart denne våren. Det må gjennomførast eit grunnleggjande arbeid med å samle inn relevant materiale og føreta andre førebuingar før departementet kan presentere ein Odelstingsproposisjon. Ei endring av hamne- og farvatnlova ligg i allfall eit par å fram i tid, og dei signala som Fiskeridepartementet har motteke frå ESA går ut på at ein ikkje kan tilrå å utsetje implementeringa av rådsdirektiv 93/75 i så lang tid.