| |
Det har vore ein svak auke i dei samla overføringane (i faste prisar) til privat sektor i 1992. Privat sektor omfattar også Statens Banksikringsfond og Sparebankenes Sikringsfond som fekk tilført 12.000 mill. kroner i 1991 og 2.500 mill. kroner i 1992. Dersom ein held desse løyvingane utanom, var det ein monaleg auke i andre overføringar til private. Også overføringane til kommunal sektor viser reell oppgang av omlag same relative omfang.
Oppstillinga under viser utviklinga i
samla overføringar dei siste åra (inkl. folketrygda):
| Overføringar ialt | Pst. av BNP utan | |
| Mill. kroner | olje og sjøfart | |
| 1985 | 136.167 | 34,6 |
| 1986 | 153.099 | 34,3 |
| 1987 | 166.943 | 33,7 |
| 1988 | 177.457 | 34,0 |
| 1989 | 197.241 | 37,3 |
| 1990 | 218.470 | 39,9 |
| 1991 | 247.207 | 43,8 |
| 1992 | 255.826 | 43,8 |
Det går fram av oppstillinga at det var sterk auke i dei samla overføringane frå 1988 til 1991. Overføringane utgjorde 34 % av BNP i 1988 og 43,8 % i 1991. Oppgangen i desse tre åra hadde særleg samanheng med dei store utgiftene til dagpengar og ymse arbeidsmarknadstiltak, og med sterk auke i utgiftene til pensjonar og andre sosiale formål på trygdebudsjettet. Større bruk av bruttoføringar på nokre område i statsrekneskapen har og verka inn. Den spesielt sterke veksten i overføringane frå 1990 til 1991 har samanheng med at det i 1991 vart løyvd 12 mrd. kroner til Statens Banksikringsfond og Sparebankenes Sikringsfond. Desse overføringane ga ein auke i andelar av BNP på 2,1 % frå 1990 til 1991, medan dei andre overføringane ga ein auke på 1,8 %.
I 1992 utgjorde dei samla overføringane 43,8 % av BNP, det same som året før. Det vart i 1992 overført 2,5 mrd. kroner til banksikringsfonda mot 12 mrd. kroner året før.
Oppstillinga i tabellen nedanfor viser
samla overføringar på dei viktigaste formåla og samanlikna med tilsvarande
utgifter i 1991.
| 1991 | 1992 | Endring | |
| Mill. kr | Mill. kr | i % | |
| Sosiale formål | 91.724 | 95.234 | 3,8 |
| Helsevern | 30.935 | 33.679 | 8,9 |
| Undervisning, forskning og kultur | 21.525 | 23.227 | 7,9 |
| Jordbruk, skogbruk og fiske | 14.538 | 14.923 | 2,6 |
| Arbeidsliv og distriktsutbygging | 20.753 | 23.790 | 14,6 |
| Utviklingshjelp | 7.148 | 7.433 | 4,0 |
| Familie- og forbrukerpolitikk | 13.151 | 15.065 | 14,6 |
| Innanlands transport | 5.615 | 6.439 | 14,7 |
| Industri og bergverk | 2.197 | 2.269 | 3,3 |
| Bustadformål | 3.598 | 3.959 | 10,0 |
| Finans-administrasjon | 14.023 | 4.467 | -68,1 |
| Renter på statsgjeld | 16.585 | 17.575 | 6,0 |
| Andre overføringer | 5.415 | 7.766 | 43,4 |
| I alt | 247.207 | 255.826 | 3,5 |
Dei samla overføringane auka difor berre med 3,5 % frå 1991 til 1992. Dersom ein held utgiftene til banksikringsfonda utanom, auka dei andre overføringane med 7,7 %. Den underliggande veksten var såleis fortsatt sterk.
Av dei samla overføringane på 255,8 mrd. kroner i 1992, var 52,5 mrd. kroner overføringar til kommunar og fylkeskommunane, medan slike overføringar utgjorde 49,0 mrd. kroner i 1991, altså ein auke på 7,2 %
Overføringane til private og andre statsrekneskap var på 203,3 mrd. kroner i 1992. Auken frå året før er på 5,1 mrd. kroner eller 2,5 %. Som nemnd ovanfor gjekk løyvingane til banksikringsfonda ned med 9,5 mrd. kroner. Overføringane til andre private formål auka såleis med 14,6 mrd. kroner eller 7,8 %.