| |
Komiteen har merka seg den sterke auken i talet på klager frå einskildpersonar i menneskerettsaker. I hovudsak må ei slik utfordring møtast gjennom styrking av den allmenne rettstilstanden i kvart land. Likevel er det viktig å sikre at saker som vert tekne opp i tilknyting til Den europeiske menneskerettskonvensjonen til ei kvar tid får best mogeleg handsaming. Komiteen har på denne bakgrunnen merka seg at Kommisjonen og Domstolen vil bli bytte ut med ein heiltidsdomstol, m.a. med sikte på å korte ned på sakshandsamingstida. Ordninga medfører at viktige spørsmål av allmenn interesse kan prøvast i to instansar.