Blei sjuk av leilegheit - kasta ut av huseigar

Handelshøgskolestudent Lasse Roald (biletet) blei sjuk av lufta i leilegheita han leigde. Då han melde ifrå til huseigaren, blei han kasta ut. Helsesjefen i Bergen konstaterer i ein rapport at det er muggvekst, manglande avtrekk, kondens og dårleg isolasjon i leilegheita. Konklusjonen er at «Dårlig inneklima kan forklare uheldige helse-effekter». Huseigar Preben Eikeland vil ikkje kommentere saka og vil bare kommunisere med Roald gjennom advokat.
– Når en leiger ei fullt møblert leilegheit har ein som hovudregel ikkje vern mot oppseiing, stadfestar advokat Asgeir Thomassen i Leigebuarforeininga.

Opprør?

Studentar blir ofte klandra for å vere for lite engasjerte i politikk og samfunnsspørsmål. Filmskapar Trond Kvist (biletet) vil gjere folk opprørte, medan diktar og professor Georg Johannesen meiner det er umodent å bli opprørt. Han vil helst at ordet «engasjement» blir teke ut av språket.

tema

Kvinner taper på hovudfagsopplegg

– Full stopp i all rettleiing etter tre år på hovudfag gjev negative
konsekvensar for kvinner, uttaler studentrepresentant i Det Akademiske Kollegium Anita Mjelland. Dette er eitt av fleire tiltak for å betre kvaliteten på hovudfaga.

Når mat er alt

Ein av 20 studentar lir av eteforstyrringar. Det er ikkje lett å innrøme at det ein et tek kontroll over livet. Vi har snakka med ei jente som har blitt frisk etter nærmare åtte år, og med Finn Skårderud om moglege årsaker til sjukdomen.

Populære spelemenn

Poor Rich Ones har vunne spelemannspris og gjestar festivalar i både England og USA. Likevel ventar dei framleis på popstjernestatus. No er dei på norgesturné, og torsdag er turen komen til Bergen.