Studentane får nytt treningssenter
Endeleg skal studentane få betre
treningstilhøve i sentrum. Styrkerommet på Studentsenteret blir
erstatta av nye lokaler på Vektertorget. Allereie 12. februar
opnar treningssenteret som mellom anna inneheld buldrevegg i
sprøytebetong, spinningsal og heilt nytt apparatrom. Prisen
for å bruka det nye senteret vil liggja på 500 kroner per semester.
Idrettssjef Bård Johansen trur at Studentskipnaden med dette
vil kunne ta opp konkurransen med S.A.T.S. treningssenter.
– Vi ønskjer å nå fram til nye studentar som elles ville ha
gått rett til dei kommersielle kjedene. Sidan vi har færre tilsette,
og ikkje satsar så hardt på marknadsføring, kan vi halda låge
prisar, seier idrettssjefen.
