Språkvitenskapleg skriving for master- og PhD-studenter

Mål og innhald

Ut frå tekstteori, argumentasjonsanalyse og sjangeranalyse, gir kurset ei innføring i oppbygging og språkbruk i lingvistiske og datalingvistiske artiklar skrivne på norsk og på engelsk. Vidare omtalar kurset bruk og oppsett av referansar, val av tittel, og samandrag. Kurset legg vekt på lingvistisk terminologi og kurant vitskapleg språkbruk i lingvistiske fag. Kurset sitt innhald inkluderer også effektiv bruk og grafisk framstilling av spesielle tekstelement med særleg relevans for lingvistiske fag, m.a. lingvistiske eksempel med omsetjingar og gloser, flytediagram (flowcharts), dataframstilling i tabellar, trestrukturar, grafisk output frå statistisk programvare, f.eks. SPSS, fonetisk skrift og framande alfabet, dataprogram og matematiske formlar.

Språkvitskapleg skriving er retta mot master- og ph.d. -studentar innan lingvistikk, datalingvistikk og språkfaga.

Læringsutbyte/resultat

Etter å ha fullført emnet skal studentane

• ha tileigna seg ein skrivemåte som passar til vitskapelege artiklar, masteroppgåver og ph.d -avhandlingar etter tekstteoretiske prinsipp og skrivetradisjonen i lingvistiske fag.
• kunne gjere greie for korleis ein tekst er bygd opp med omsyn til tekstteori, sjanger, språkbruk og argumentasjon
• ha dugleik m.o.t. tekstoppbygging og grafisk framstilling

Undervisningssemester

Vår

Undervisningsspråk

Norsk, engelsk ved behov.

Studienivå

Master og ph.d.

Krav til studierett

DASP307 er ope for ph.d.-studentar, studentar på masterprogrammet i allmenn lingvistikk, masterprogrammet i datalingvistikk og språkteknologi og for alle med studierett på eit språkleg masterprogram ved UiB.

Studentar på andre program enn masterprogrammet i allmenn lingvistikk og masterprogrammet i datalingvistikk og språkteknologi må søkje sitt eige institutt om å få ta emnet som del av mastergraden sin.

Undervisning og omfang

Undervisning blir gitt i form av førelesingar, diskusjonsseminar og praktiske øvingar. Studentane skal:

• analysere tekstar og skilje mellom passande og mindre passande oppbygging, språkbruk, argumentasjon og visuell framstilling
• korrigere problematisk språkbruk og lingvistisk terminologi (norsk og engelsk) i utkast til tekstar
• lage ein større tekststruktur og bygge opp ein argumentasjon ut frå ei språkvitskapleg problemstilling.
• velje ein tittel og lage eit samandrag for ein språkvitskapleg tekst

Studentane skal på ein effektiv måte framstille og bruke følgjande element i argumentasjonen:

• lingvistiske eksempel med gloser og omsetjingar
• formlar og tabellar
• trestrukturar, flytediagram og andre figurar
• dataprogram og lister
• fonetisk skrift og framande alfabet

Om lag 2 timar pr. veke.

Om det melder seg færre enn fem studentar til eit emne kan instituttet innføre redusert undervisning, jamfør instituttet sine retningsliner for dette på Mi Side. På emne der dette kan verte aktuelt vil studentane få informasjon om det ved semesterstart, og før fristen for semesterregistrering 1. februar / 1. september.

Obligatoriske arbeidskrav

For å ha rett til å levere eksamensarbeid skal kvar student på seminaret levere eit opplegg for / utkast til ein artikkel, ei masteroppgåve eller avhandling som dei får rettleiing på. Rettleiinga skal ha omfang av minst eitt rettleiingsmøte. Teksten blir grunnlag for den sjølvstendige vitskaplege teksten som studenten leverer inn som eksamensarbeidet sitt. (Sjå punkt om vurderingsformer)

Vurderingsformer

Studenten skal skrive ein kort individuell sjølvstendig vitskapleg tekst som eksamensarbeid. Arbeidet skal dokumentere at studenten har tileigna seg kunnskapar og dugleik i tråd med emnets målsettingar. Omfanget skal vere omlag 1500 ord.

Karakterskala

A-F.

Læremiddelomtale

Pensum omfattar litteratur innan vitskapleg retorikk og tekst og ei samling av representative språkvitskaplege tekstar. Vidare vert det brukt datamaskin og programvare som støttar opne format for tekstar og bibliografiar (t.d. LaTeX/BibTeX).

Pensum består av ca. 150 sider og eit nettbasert kurs på 22 NETTsider.

Undervisningsstad

Bergen

Emneevaluering

Evaluering av tilbodet vert gjennomført i tråd med UiBs kvalitetssikringssystem.

Kontaktinformasjon

Institutt for lingvistiske, litterære og estetiske studium

E-post: studierettleiar@lle.uib.no