Engelsk lingvistikk II

Mål og innhald

ENG106 består av to kurs, eitt i grammatikk og eitt i global engelsk. Emnet byggjer på ENG101. Kurset i grammatikk skal gi studentane vidarekomen kunnskap og innsikt i engelsk språkstruktur. Kurset i global engelsk skal gi kunnskap om ulike sosiale og globale aspekt ved engelsk språk, og om språklege særtrekk ved ulike varietetar. Begge kursa skal gi studentane eit presist språkvitskapleg omgrepsapparat som arbeidsreiskap.

Læringsutbyte/resultat

Ved fullført emne skal studentane ha vidarekomen kunnskap om engelsk språkstruktur og om sentrale omgrep innan syntaks og morfologi.

Studentane skal kunna bruka kunnskapane til å analysera språkleg materiale.

Studentane skal òg ha kunnskap om ulike sosiale og politiske aspekt av engelsk som verdsspråk, og om språklege særtrekk ved ulike globale varietetar av engelsk. Studentane skal vidare ha ei god forståing og meistring av eit presist språkvitskapleg omgrepsapparat.

Studentane skal ha nok kompetanse til å kunna vidareutvikla sine kunnskapar t.d. gjennom studiet av lingvistikk på 200-nivå.

Undervisningssemester

Haust.

Undervisningsspråk

Engelsk

Studienivå

Bachelor

Krav til studierett

Emnet er ope for alle med studierett ved UiB. Personar utan studierett kan søkja Studieadministrativ avdeling om å få gå opp til særskild eksamen.

Tilrådde forkunnskapar

Ein vil sterkt rå til at studentane i tillegg til generell studiekompetanse har studiespesialiserande programfag i engelsk frå vidaregåande skole med gode karakterar. For studentar med annan bakgrunn er det tilrådd med eit engelsknivå tilsvarande B2 i samsvar med the Common European Framework of Reference for Languages.

Ein vil òg rå til at studentane har fullført EXFAC00SK Språk og kommunikasjon og ENG101 Engelsk lingvistikk I eller har tilsvarande kunnskapar.

Fagleg overlapp

På grunn av fagleg overlapping kan ein ikkje få utteljing for ENG106 i kombinasjon med ENG104 (5 stp), ENG105 (10 stp), Eng106L, ENG111 (5 stp) og ENG112 (5 stp).

Undervisning og omfang

Førelesning: 1 time pr. veke. Totalt 12

Grupper:5 timer pr. veke. Totalt 60

Obligatoriske arbeidskrav

Det er ingen obligatoriske oppgåver, men kvar student kan få levere inn skriftlege oppgåver i grammatikk og global engelsk.

Vurderingsformer

Det blir arrangert eksamen kvart semester: på slutten av haustsemesteret og midt i vårsemesteret.

Eksamen er ein seks timars skoleeksamen. Ingen hjelpemiddel er tillatne ved eksamen. Eksamen inneheld av to delar (grammatikk og global engelsk) og kvar del tel 50% av den totale karakteren. Global engelsk inneheld igjen av to delar (Global English I og II). Ein må greia eksamen i alle delane for å få ståkarakter i emnet.

Karakterskala

Ved sensur nyttar ein karakterskalaen A-F, der F er stryk.

Læremiddelomtale

Pensum omfattar hovudelementa i dei delane av grammatikken som er nemnte under Læringsutbyte/resultat, og ei innføring i engelsk som verdsspråk.

Undervisningsstad

Bergen

Emneevaluering

Undervisninga blir evaluert i tråd med UiB sitt kvalitetssikringssystem.

Kontaktinformasjon

studierettleiar@if.uib.no