Farmakognosi, inklusive botanikk

Mål og innhald

Kurset inneheld ei kort innføring i plantesystematikk. Sentrale gift- og medisinplantar samt naturlegemiddel vert omtala. Viktige stoffklassar (sekundære metabolittar) i og frå naturen vert framheva, og det vert lagt vekt på klassifisering, nomenklatur, struktur, biosyntese, førekomstar, analyse og farmasøytiske perspektiv. Praktiske øvingar demonstrerer ulike teknikkar innanfor naturstoffkjemi.

Læringsutbyte/resultat

Etter fullført emne FARM238 skal studenten kunne:

• gje ei oversikt over feltet naturstoffkjemi.
• identifisere ulike typar naturstoff, deira førekomstar, struktur, biosyntese og eigenskapar.
• drøfte bruk av naturstoff som utgangspunkt for legemiddel.
• utføre sjølvstendige undersøkingar av plantemateriale og naturstoff.

Undervisningssemester

Vår

Eksamenssemester

Det er ordinær eksamen kvart semester

Undervisningsspråk

Norsk

Krav til studierett

For oppstart på emnet er det krav om ein studierett knytt til studieprogramma Integrert masterprogram i farmasi eller Masterprogram i farmasi for reseptarar.

Krav til forkunnskapar

FARM130/KJEM130 eller tilsvarande.

Fagleg overlapp

KJEM238:10 stp, KJEM332:10 stp, K332:9stp

Undervisning og omfang

Forelesing: 4 timar per veke

Laboratoriekurs

Obligatoriske arbeidskrav

Laboratoriekurs. Obligatoriske aktivitetar er gyldige i seks påfølgande semester. Godkjend HMS-kurs. Dersom du ikkje har godkjend HMS-kurs ved Kjemisk institutt, UiB frå tidlegare, må kurset takast same semester i forkant av undervisninga. Meir om HMS-kurset på adresse: http://www.uib.no/kj/utdanning/obligatorisk-hms-kurs

Vurderingsformer

Skriftleg eksamen (4t). Dersom det er få deltakarar kan det verta munnleg eksamen.

Lovlege hjelpemiddel på eksamen er: Enkel lommereknar og molekylbyggjesett.

Obligatoriske innleveringar må leverast innan fastsette fristar for å få obligatoriske aktivitetar godkjende og for å få tilgang til avsluttande eksamen i emnet.

Karakterskala

Ved sensur av emnet vert karakterskalaen A-F nytta.

Undervisningsstad

Bergen

Emneevaluering

Studentane skal evaluere undervisinga i tråd med UiB sitt kvalitetssikrginssystem

Kontaktinformasjon

Forelesarar og administrativ ansvarleg finn du på Mi side. Kontakt eventuelt studiekonsulent på Kjemisk institutt.