Meteorologi

Mål og innhald

I kurset blir det gitt ei generell innføring i meteorologi. Kurset inneheld ei grunnleggande oversikt over jorda sin atmosfære. Det blir lagt vekt på grunnleggande termodynamikk, skyfysikk og grunnprinsippa i stråling. I tillegg gir kurset ei innføring i dei dominerande vêrsystema på midlare breiddegrader, storskala dynamikk i troposfæren og turbulens i det atmosfæriske grenselaget inkludert samspelet mellom jordoverflata og prosessar i det atmosfæriske grenselaget. I kurset skal studentane også utføre vanlege meteorologiske observasjonar og utarbeide enkle vêrvarsel.

Læringsutbyte/resultat

Etter fullført emne skal studenten kunne:

- løyse enkle problem innan dynamisk og fysisk meteorologi

- beskrive jorda sin atmosfære, då særleg troposfæren

- relatere grunnleggande fysiske lover til vêrsystem og atmosfæren sin struktur

- utføre vanlege meteorologiske observasjonar og utarbeide enkle vêrvarsel

Undervisningssemester

Vår (Fargekode: blå)

Eksamenssemester

Det er ordinær eksamen kvart semester

Undervisningsspråk

Norsk

Krav til studierett

For oppstart på emnet er det krav om ein studierett knytt til Det matematisk-naturvitskaplege fakultet, samt at du oppfyller ev opptakskrav

Krav til forkunnskapar

Ingen

Tilrådde forkunnskapar

MAT111, PHYS111

Fagleg overlapp

GEOF 101:3sp

Obligatoriske arbeidskrav

Laboratoriekurs

Vurderingsformer

Midtvegseksamen, skriftleg, 2 timar; tel 20% av sluttkarakteren. Slutteksamen, skriftleg, 4 timar; tel 80% av sluttkarakteren og må vere bestått. Må ha deltatt på midtvegseksamen og ha godkjend journal for lab.-kurset for å gå opp til slutteksamen. Dersom færre enn 10 påmelde, kan det bli munnleg eksamen.

Tillatne hjelpemiddel på avsluttande eksamen: Kalkulator i tråd med retningslinjene til fakultetet.

Karakterskala

Ved sensur av emnet vert karakterskalaen A-F nytta.

Undervisningsstad

Bergen

Emneevaluering

Studentane skal evaluere undervisninga i tråd med UiB og instituttet sitt kvalitetssikringssystem.

Kontaktinformasjon

Studiekonsulent Geofysisk institutt: studierettleiar@gfi.uib.no