Avansert programmering

Mål og innhald

Emnet introduserer metodar og teknikkar brukt i utvikling av moderne programvare for informasjonssystem. Dette omfattar objekt-orientert design, programmeringsteknikkar, datastrukturar og algoritmar. Målet er å gje studenten kunnskap og øving i programmering på eit nivå som gjev grunnlag for å utvikle program til nytte i eige studentarbeid i informasjonsvitskap og å delta som programmerar i større prosjekt for utvikling av informasjonssystem.

Læringsutbyte/resultat

Etter å ha fullført emnet skal studenten kunne

• gjere greie for objekt-orientert design av program for informasjonssystem.
• greie ut om datastrukturar for organisering av informasjon.
• nytte algoritmar for effektiv handsaming av informasjon.
• gjere greie for ulike teknologiar og rammeverk for utvikling av program for større informasjonssystem.
• designe, implementere og teste programvare for større informasjonssystem.
• demonstrere erfaring med praktisk bruk av objekt-orientert design, datastrukturar og algoritmar, og utvalde teknologiar i programmering av ikkje-trivielle informasjonssystem.
• demonstrere ei grunnleggjande forståing av korleis dei teoretiske og teknologiske omgrepa i programmering og programdesign støttar opp om praktisk informasjonssystemutvikling.

Undervisningssemester

Vår (f.o.m. vår 2014)

Eksamenssemester

Vår/haust (f.o.m. vår 2014)

Undervisningsspråk

Norsk

Studienivå

Bachelor

Institutt

Institutt for informasjons- og medievitskap

Krav til studierett

Ope

Krav til forkunnskapar

Ingen

Tilrådde forkunnskapar

INFO132 eller tilsvarande

Fagleg overlapp

INF 101 informatikk (10stp) og med INFO231 (10 stp)

Undervisning og omfang

Forelesingar (30-40 timer), Øvingar, Programmeringslab (48 timer).

Obligatoriske arbeidskrav

2 obligatoriske oppgåver må løysast og godkjennast.

Obligatoriske oppgåver må gjerast og godkjennast i undervisningssemesteret. Dei er gyldige berre eitt semester utover det semesteret dei har blitt godkjende.

Vurderingsformer

Skriftleg eksamen 4 timar

Karakterskala

Karaktersett med bokstavkarakterar (A-F).

Emneevaluering

Emnet vert evaluert av studentar kvart 3. år, av faglærar kvart år.

Kontaktinformasjon

studieveileder@info.uib.no