Innføring i kjønnsstudium

Mål og innhald

KVIK101: Innføring i kjønnsstudium er eit emne som gir innføring i feministiske og kjønnsteoretiske perspektiv og tradisjonar. Emnet er fleirfagleg, med hovudvekt på humanistiske og samfunnsvitskaplege perspektiv.

Undervisninga gir ei grunnleggjande innføring i sentrale omgrep og spørsmål som gjeld kjønn og seksualitet innan ei rekkje fagområde. Emnet gir og ein presentasjon av den historiske utviklinga av fagfeltet og eit overblikk over idear knytte til kjønn og seksualitet innan ulike teoriutviklingar.

KVIK101 er eit obligatorisk emne i bachelorgraden i kjønnsstudium.

Læringsutbyte/resultat

Etter å ha fullført emnet skal studenten

• ha ei generell oversikt over sentrale problemstillingar i fagfeltet
• ha basiskunnskap om historiske utviklingsliner i kjønnsstudium som fagfelt
• kunne gjere greie for sentrale feministiske og kjønnsteoretiske perspektiv og tradisjonar
• kunne drøfte relevansen av kjønnsteoretiske perspektiv på andre fagområde og på aktuelle problemstillingar
• kunne arbeide sjølvstendig med ei sjølvvald problemstilling og presentere resultat frå dette arbeidet munnleg og skriftlig

Undervisningssemester

Vår

Undervisningsspråk

Norsk

Studienivå

Bachelor

Krav til studierett

Emnet er ope for alle med studierett ved Universitetet i Bergen.

Krav til forkunnskapar

Ingen

Tilrådde forkunnskapar

Generell studiekompetanse eller tilsvarande.

Undervisning og omfang

Undervisninga vil bli gitt som førelesingar, normalt 2 dobbelttimar i veka, og seminar, normalt 1 dobbelttime i veka.

Om det melder seg færre enn fem studentar til eit emne kan instituttet innføre redusert undervisning, jamfør instituttet sine retningsliner for dette på Mi Side. På emne der dette kan verte aktuelt vil studentane få informasjon om det ved semesterstart, og før fristen for semesterregistrering 1. februar / 1. september.

Obligatoriske arbeidskrav

i) Det er obligatorisk oppmøte på 75% av seminara i løpet av semesteret.

ii) Studenten skal halde eit munnleg framlegg knytt til skriving av sjølvvalt oppgåve.

iii) Studenten skal ha ei obligatorisk rettleiing knytt til skriving av den sjølvvalde oppgåva.

Sjå punkt om vurderingsformer angåande innlevering av oppgåver.

Vurderingsformer

Mappevurdering med justerande munnleg prøve.

Til mappa skal studenten levere to oppgåver (på mellom 2000 og 3000 ord kvar). Den eine oppgåva skal springe ut av det munnlege framlegget, basert på eigendefinert problemformulering, medan den andre oppgåva skal skrivast ut frå oppgjeve emne. Båe oppgåvene skal leverast mot slutten av semesteret. Mappa vil få ein samla karakter.

Etter at mappa er vurdert og bestått, går studenten opp til ei munnleg prøve som har tilknyting til mappa.

Den munnlege prøva kan justera karakteren på mappa opp eller ned med éin karakter.

Karakterskala

A-F.

Læremiddelomtale

Pensum knytt til KVIK101 er sett saman av tekstar henta frå ulike fagområde som tek opp spørsmål knytt til kjønn og seksualitet.

Tekstane er på norsk og engelsk.

Pensum er på om lag 1000 sider.

Undervisningsstad

Bergen

Emneevaluering

Evaluering av tilbodet vert gjennomført i tråd med UiB sitt kvalitetssikringssystem.

Kontaktinformasjon

Administrativt ansvarleg:
Institutt for lingvistiske, litterære og estetiske studium
E-post: studierettleiar@lle.uib.no  

Fagleg ansvarleg:
Senter for kvinne- og kjønnsforskning
E-post: und@skok.uib.no