Mål og innhald

Målet for emnet er å gje studentane kunnskap om og dugleik i bruk av bioinformatiske metodar som er sentrale i gjennomføring av molekylærbiologiske forskingsprosjekt. Emnet har hovudvekt på bioinformatikk knytt til utforsking av protein og omfattar analyse av sekvensar, databasesøk, sekvenssamanstilling, visualisering og analyse av proteinstrukturar og innføring i fylogenetiske analysar. Studentane får ei innføring i det teoretiske grunnlaget for nokre av nøkkelmetodane. Emnet gjev og ei innføring i DNA-sekvensiering og analyse av gen- og genomsekvensar, genuttrykking og systembiologi. Gjennom praktiske øvingar har emnet som mål å gje studentane grunnleggjande dugleik i bruk av bioinformatiske verktøy. Det vert lagt vekt på at studentane skal læra og forstå dei bioinformatiske verktøya i lys av sine molekylærbiologiske kunnskapar.

Læringsutbyte/resultat

Ved fullført emne MOL204 skal studentane kunne:

- skildra innhald og eigenskapar for dei viktigaste bioinformatiske databasane og kunne gjennomføre søk i databasane med både tekst og sekvensar, og analysera og drøfte resultata i lys av molekylærbiologisk kunnskap.

- gjere greie for hovudtrinna i parvis og multippel sekvenssamanstilling, forklara prinsippet for, og gjennomføre parvis sekvenssamanstilling ved dynamisk programmering.

- gjere greie for hovudtrekka i evolusjon av genar, protein og proteinarkitektur, og gjere greie for korleis ulike metodar kan nyttast for å konstruere fylogenetiske tre.

- gjere greie for hovudtrekka i ulike metodar for modellering av proteinstrukturar og nytta program for å visualisere og analysere slike strukturar.

- gje eksempel på metodar for å skildre og analysere gen, genom og genuttrykking

- definere og drøfte sentrale omgrep som vert nytta innan systembiologi

Eksamenssemester

Det er ordinær eksamen kvart semester

Krav til studierett

For oppstart på emnet er det krav om ein studierett knytt til Det matematisk-naturvitskaplege fakultet, samt at du oppfyller ev opptakskrav

Krav til forkunnskapar

MOL100 eller tilsvarande

Tilrådde forkunnskapar

MOL200 eller tilsvarande.

Obligatoriske arbeidskrav

Førelesningar, øvingar og godkjende oppgåver.

Karakterskala

Ved sensur av emnet vert karakterskalaen A-F nytta.

Undervisningsstad

Bergen

Emneevaluering

Studentane skal evaluere undervisninga i tråd med UiB og instituttet sitt kvalitetssikringssystem.