Anatomi: Tannanatomi og generell anatomi

Mål og innhald

Målet med undervisinga i anatomi er at studentane skal tileigne seg kunnskap om normal anatomisk bygnad av kroppen og den sine ulike celle- og vevstypar og organsystem. Det vert lagt særleg vekt på tannanatomi, hovud- og halsanatomi og oral biologi.

Anatomiundervisinga omfattar tannanatomi, cellebiologi, generell anatomi og hovud- og halsanatomi. I cellebiologi og generell anatomi vert det gjeven ei generell innføring i kroppen sin bygnad, cellene sin struktur og bygnad, organisering av celler til vev, og samansetninga av vev til organ og til kroppsdelar. I tannanatomi vert det gjeven ein detaljert gjennomgang av dei enkelte delane av tyggjeapparatet, og bygnad og spesiell form for dei einskilde tennene i det temporære og permanente tannsettet.

Læringsutbyte/resultat

Kunnskapar

Etter fullført emne skal studenten kunne beskrive:

• Enkelte viktige anatomiske definisjonar (nokre også på latin).
• Normal bygnad av kroppen generelt og på celle-, vev- og organnivå.
• Normal anatomi av hovudet og halsen, samt tilgrensande regionar.
• Detaljert nerveforsyning til tenner for å ha teoretisk kunnskap som gjev grunnlag for å kunne gi infiltrasjonsanestesi til tenner og støttevev.
• Normal bygnad av tann- og orale vev.
• Normal form til alle forskjellige humane tenner.
• Normal utvikling av tenner, erupsjon av tenner, tannveksling og dei vanlegaste medfødde misdanningar i andletet.
• Det mest brukte nomenklatursystemet for humane tenner.

Ferdigheiter

Etter fullført emne skal studenten kunne:

• Kjenne att humane melke- og permanente tenner og gi dei namn ved hjelp av det mest brukte nomenklatursystemet for humane tenner.
• Kommunisere med anna helsepersonell ved hjelp av anatomiske termar og omgrep.

Generell kompetanse

Etter fullført emne skal studenten kunne:

• Arbeide i gruppe med andre.
• Kjenne att ekstraherte humane tenner.

Undervisningssemester

Haust + vår (2 påfølgjande semester)

Undervisningsspråk

Norsk

Krav til studierett

Bachelorprogram i tannpleie

Undervisning og omfang

Førelesingar, praktisk kurs, seminar og kollokvium (totalt rundt 60 timar).

Obligatoriske arbeidskrav

Etter tannanatomikurset i haustsemesteret vert det arrangert ein 2 timars prøve, med både praktisk og skrifteleg del, som må vere bestått for å gå opp til avsluttande eksamen.

Vurderingsformer

4 timars skriftleg eksamen.

Karakterskala

A-F

Emneevaluering

Skriftleg evaluering via Mi side.

Kontaktinformasjon

Institutt for biomedisin

studie@biomed.uib.no 

(+47) 55 58 64 39 / 55 58 64 40 / 55 58 60 95

Emneansvarleg:

Torbjørn Dall-Larsen, http://uib.no/personer/Torbjoern.Dall-Larsen