Kinesisk språk 2 - Nettstudium

Målgruppe

Mandarin er hovudspråket i blant anna fastlands-Kina og Taiwan, og er inngangsporten til ein av verdas eldste sivilisasjonar. Det er det språket i verda som har flest morsmålsbrukarar. KIN622 blir tilbydd i samarbeid mellom Institutt for framandspråk ved Universitetet i Bergen og Bergen Konfutse-institutt.

Kurset er eigna for personar og verksemder som vil ha vidaregåande grunnopplæring i moderne mandarin. KIN622 bygger på KIN621, og det er eit krav at studentane har teke anten KIN621 eller KIN101, eller har tilsvarande kunnskapar. Sidan undervisninga skjer på engelsk må studentane òg ha gode engelskkunnskapar.

Mål og innhold

Mål og innhald, læringsutbyte, undervisningsomfang og organisering, obligatoriske arbeidskrav og vurderingsformer (eksamen) er omtalt i nærare detalj under «Emnebeskrivelse».

Som student på KIN622 skal du tileigne deg praktisk ferdigheit i moderne mandarin, både skriftleg og munnleg. Vidare skal du få eit utvida vokabular og lære ei viss mengde skriftteikn. Du får òg ein praktisk gjennomgang av grunntrekka i grammatikken.

Undervisning

Undervisninga blir gitt som internettbasert fjernundervisning i form av interaktive førelesningar og gruppearbeid, kombinert med ei oppstartssamling i Bergen. Undervisninga går over to semester med start i haustsemesteret og eksamen i slutten av mai.

Undervisningsplan hausten 2014 og våren 2015:

Samling i Bergen: 20.-21. august

Nettundervisninga på kurset startar i veke 35

- Undervisning på nett: tysdagar 19.15-20.00 og torsdagar 17.15-19.00.

For å ta få ta eksamen må du levere obligatoriske oppgåver jamleg gjennom semesteret, og få godkjent 75 % av dei. Oppgåvene skal leverast elektronisk, og fristane for levering blir annonsert på Mi Side etter kursstart.

Undervisningsspråket er engelsk.

Vurdering / eksamen

Eksamen på KIN622 har to delar, ein skriftleg skoleeksamen på tre timar og ein munnleg eksamen som kan justere karakteren frå skoleeksamen med inntil éin karakter opp eller ned.

Eksamensdatoar våren 2015 for studentar som er tekne opp hausten 2014 er som følger:

- Skriftleg skoleeksamen: 19. mai, 09.00-12.00.

- Munnleg eksamen: 27. mai (med eit visst atterhald)

Krav til datautstyr

Du må ha tilgang til datamaskin med internett og e-post. Du må òg ha hodesett med mikrofon og helst USB-kontakt, sidan det gir best lyd i nettmøta.

Studiefinansiering

KIN622 er ikkje godkjent for støtte i Lånekassen, fordi det er eit deltidsstudium med mindre enn 15 studiepoeng studiebelastning per semester. Du kan likevel søke om støtte for KIN622 dersom du samstundes studerer andre kurs/emne, slik at den totale studiebelastninga per semester blir minst 15 studiepoeng.

Dette er ei formell, fagleg omtale av emnet. Denne gjeld for vårsemesteret 2014 og kan bli endra i komande semester.

Mål og innhald

Dette er eit tilbod til studentar som ønskjer vidaregåande innføring i moderne mandarin.
Studentane skal tileigne seg praktisk dugleik i moderne mandarin, både skriftleg og munnleg. Dei skal tileigne seg eit utvida vokabular og eit visst tal skriftteikn. Emnet gir og ein praktisk gjennomgang av grunntrekka i grammatikken.

Læringsutbyte/resultat

Etter fullført emne skal studentane kunne lese og skrive enkle tekstar, og føre samtalar om daglegdagse tema på mandarin.

Undervisningssemester

Undervisninga strekk seg over to semester, med oppstart om hausten og eksamen om våren.

Undervisningsspråk

Engelsk

Studienivå

Bachelor, 100-nivå.

Krav til forkunnskapar

KIN621/KIN101 eller tilsvarande kunnskapar.

Tilrådde forkunnskapar

God dugleik i engelsk.

Undervisning og omfang

Undervisninga vil bli gitt i form av førelesingar og gruppearbeid.

Obligatoriske arbeidskrav

Dette kurset har jamlege obligatoriske heimeoppgåver. For å kunna gå opp til eksamen må studenten levera inn desse oppgåvene og få godkjend 75 prosent av dei.

Vurderingsformer

Skriftleg eksamen på tre timar, med justerande munnleg. Eksamen blir arrangert om våren, etter to semester med undervisning. Det er moglegheit for å ta eksamen i følgjande haustsemester.
For å kunne ta eksamen om hausten, må dei obligatoriske oppgåvene vere godkjend i undervisningssemestra.

Karakterskala

Det vert nytta karakterskala gradert frå A til F.

Læremiddelomtale

Tekstbok for nybyrjarar med tilhøyrande arbeidsbok, og multimedia-verkty.

Undervisningsstad

Universitetet i Bergen

Emneevaluering

I samband med instituttet sitt arbeid for å betre studiet blir kursets studieopplegg jamt evaluert, m.a. ut frå tilbakemeldingar frå studentane.

Kontaktinformasjon

studierettleiar@if.uib.no