Verksemdsområde

Direktoratet er organisert rundt verksemdsområdane: folkehelse, levekår, primærhelsetenester og spesialisthelsetenester. I tillegg har vi følgjande prioriterte tverrgåande arbeidsområde: psykisk helse, rus, helseøkonomi og finansiering, og administrasjon.

Folkehelse
Folkehelsearbeidet er den samla innsatsen for å påverke det som fremjar og held ved like befolkninga si helse. Målet er fleire leveår med god helse i befolkninga som heilskap, og reduserte helseforskjellar mellom sosiale lag, etniske grupper, kvinner og menn.

Levekår
Direktoratet skal vere med på å førebyggje og hjelpe personar ut av sosial eksklusjon. Levekårsarbeidet skal også bidra til full samfunnsdeltaking for personar med nedsett funksjonsevne og motverke sosiale forskjellar i helse.

Primærhelsetenester
Primærhelsetenesta er grunnmuren i helsetenesta og skal sikre alle med behov for helse- og omsorgstenester nære og gode tilbod.

Spesialisthelsetenester
Helsedirektoratet skal gi faglege råd og rettleiing til helsetenesta og befolkninga. Direktoratet skal vere ein aktiv deltakar i arbeidet med å utforme, setje i verk og følgje opp nasjonal helsepolitikk innanfor området til spesialisthelsetenesta.

Psykisk helse
Arbeidet med psykisk helse har eit heilskapleg og langsiktig perspektiv. Det omfattar mellom anna styrking av kommunalt psykisk helsearbeid og kvalitativt godt helsevern som er bygd ut i samband med Opptrappingsplanen for psykisk helse (1999–2008).

Rus
Rusmiddelarbeidet er nær knytt til området psykisk helse, spesielt gjennom rusreforma og eit tettare samarbeid på tenestenivå. Sentrale oppgåver er rusførebyggjande arbeid, forvaltning av alkohollova, forvaltning av tilskotsordningar og å bidra til kvalitetsutvikling i behandlings- og tenestetilbodet.

Helseøkonomi og finansiering
Helsedirektoratet skal forvalte og utvikle formålsretta finansieringsordningar. Gode kodeverk og klassifikasjonar dannar grunnlag for måling og beskriving av aktivitet.

Administrasjon
I tillegg til å sikre kontinuerleg organisasjonsutvikling i Helsedirektoratet skal administrasjonen sikre at direktoratet har effektive administrative arbeidsprosessar, og at dei andre verksemdsområda får levert gode støttetenester til rett tid.

Norwegian Directorate of Health, PO box 7000 St. Olavs plass / Universitetsgata 2, 0130 Oslo, Norway
Tel: + 47 810 20 050, Fax: + 47 24 16 30 01, webredaktor@helsedir.no

Helsedirektoratet, PB 7000 St. Olavs plass/Universitetsgata 2, 0130 Oslo
Tel.: + 47 810 200 50, Faks: + 47 24 16 30 01 Org.nr. 983 544 622 webredaktor@helsedir.no