Europarådet har fastsett søndag 28. januar til Den Europeiske Personverndagen.

Europarådet ber datatilsynsmyndigheitene over heile Europa å nytte dagen til å lansere tiltak som hevar merksemda om personvern, tydinga av å vise personvernomsyn, og vise rettar og plikter etter lovgivinga.

Datatilsynet har følgt oppfordringa. Dagen etter, måndag den 29. januar, blir det lansert eit stort undervisningsopplegg for ungdom om personvern.
For fyrste gong søndag den 28. januar 2007 og kvart år framover skal den 28. januar markere årsdagen for at Europarådets personvernkonvensjon blei underskriven i 1981. Bakgrunnen for underskrivinga av konvensjonen var ønsket om å utvide vernet for enkeltpersonane sine rettar og grunnleggjande fridomar, og særleg retten til respekt for privatlivet, under omsyn til den aukande straumen av personopplysningar over landegrensene.

Europarådet sin konvensjon 28 januar 1981 nr. 108 om personvern i samband med elektronisk databehandling av personopplysningar blei ratifisert av Noreg 20 februar 1984 og tok til å gjelde 1 oktober 1985.

Europarådet beslutta i eit møtet den 26. april 2006 å markere årsdagen for underskrivinga av personvernkonvensjonen ved å lansere ein europeisk personverndag. Den 28. januar kvart år oppmodar derfor Europarådet datatilsynsstyresmakter over heile Europa til å gjere sine respektive borgarar merksame på kva slags personopplysningar som blir samla inn og behandla, gjerne også over landegrensene, og ikkje minst kva rettar ein har etter til personvernlovgivinga.

Kunnskapsløyse om personvern

Når det derimot gjeld kjennskap til personvernlovverket og handhevinga av dette, er tala generelle lave i alle EU-landa. såg mange som 68 prosent av dei spurde kjende ikkje til at det eksisterer uavhengige styresmakter som overvaker handhevinga av personvernlover og som tek imot klager frå enkeltpersonar i landet deira.

Noreg var ikkje med i EU-undersøkinga, men Datatilsynet og Fornyingsdepartementet fekk gjennomført ei tilsvarande norsk personvernundersøking i 2005:
http://www.datatilsynet.no/templates/Page____1200.aspx

Sjølv om undersøkinga viser at nordmenn har betre kjennskap til datatilsynsordninga og regelverket sitt enn kva borgarane elles i Europa har, så indikerer undersøkinga tydeleg at befolkninga på den eine sida har liten kunnskap om eigne rettar med omsyn til personvern, men stor tillit til at alle dei verksemdene som behandlar personopplysingar etterlever lovgivinga. Samtidig viser undersøkinga blant verksemdene at ein der har liten kunnskap om, og følgjeleg liten grad av etterleving i forhold til dei konkrete krava som blir stilte i den nye lovgivinga. Heile 74 prosent av verksemdene meiner sjølv at mangel på kunnskap er hovudårsaka til at personvernlovgivinga ikkje blir etterlevd.

Ekstra satsing på kommunikasjon

Med bakgrunn i undersøkelsen bevilget Fornyings- og administrasjonsdepartementet i juni 2006 to millioner kroner ekstra til Datatilsynet til informasjonstiltak for å bygge oppmerksomhet og kunnskap omkring personvernlovgivningen overfor befolkningen og virksomheter som behandler personopplysninger.  Datatilsynet fikk også en tilsvarende rammeøking på budsjettet for 2007.

Datatilsynet markerer den europeiske personverndagen ved å lansere eit større undervisningsopplegg for ungdom om personvern. Kampanjen ”Det er du som bestemmer” blei lansert måndag den 29. januar.

Om nokre veker vil Datatilsynet også lansere ein kampanje retta mot verksemder som behandlar personopplysningar. Målet her er å motivere verksemdene og gi dei nødvendig kunnskap til å kunne etablere ei forsvarleg behandling av personopplysningar, gjennom etablering av internkontroll og informasjonstryggleik.