Norsk 2 – Norsk for mellom- og ungdomstrinnet

30 studiepoeng fordelt på tre moduler à 10 studiepoeng, 2 semestre
Modul 1 ref.nr.:1963
Modul 2 ref.nr.:1964
Modul 3 ref.nr.:1976 (Søk her)

Norsk 2 skal bidra til å styrke den teoretiske og fagdidaktiske kompetansen til studentane når det gjeld arbeid med litteratur og skriveopplæring på ungdomstrinnet i den fleirkulturelle grunnskolen.Modul 1; Skriveopplæring

Studentane skal utdjupe sine teoretiske kunnskapar om barns skriveutvikling og vidareutvikle eigen språk- og tekstkompetanse. Dei skal undersøke og drøfte korleis dei kan legge til rette skriveopplæring på ungdomstrinnet som innbyr til mange og ulike former for dialog med menneske og med tekstar. Modulen legg vekt på forholdet mellom lesing og skriving, arbeid med digitale medium, og skriving av mappetekstar som lærings- og vurderingsreiskap

Modul 2; Levande litteraturhistorier

Arbeidet med litterære tekstar frå norsk, nordisk og europeisk kulturarv vil utvikle fagdidaktisk refleksjon over formidling av klassisk litteratur i grunnskolen og stimulere til opplegg som kan gjere litteraturhistorie og litteraturens historier levande og aktuelle for elevar i grunnskolen. Sentrale problemstillingar er litteraturhistorie som forteljing, forholdet mellom historiske linjer og punktnedslag, innfallsvinklar, stoffval, presentasjonsmåtar, opplegg og arbeidsoppgåver i eit utval lærebøker for grunnskolen og i faglitteratur for barn. Ein vil sjå litteraturhistorie i samanheng med andre estetiske fagfelt (musikk, biletkunst, film). 

Modul 3; Norsk som andre språk/Norsk i fleirkulturelle elevgrupper

Modulen tar utgangspunkt i dei faglege utfordringane lærarane møter i ein fleirkulturell skole. Gjennom studiet skal studentane opparbeide forståing for, og evne til, å reflektere over kva det vil seie å vere tospråkleg, og kva konsekvensar det får for elevens læring og for organisering og tilrettelegging av opplæringa. Studentane skal utvikle kunnskap om andrespråkslæring som gjer dei i stand til å planlegge, gjennomføre og vurdere norskopplæring for elevar frå språklege minoritetar i grunnskolen.

 Målgruppe

Studentar og lærarar som vil styrke sin norskfaglege kompetanse for arbeid i den fleirkulturelle grunnskolen. Ein kan også ta modulane enkeltvis.

Organisering og arbeidsmåtar

Arbeidsmåtane er variert: forelesingar, studentframlegg, diskusjon og erfaringsutveksling. Arbeidet er organisert både individuelt og i grupper. I noen grad vil studiet vere erfaringsbasert og knytt til undervisning studentane har på eigen skole/klasse. Studentane skal bli fortrulege med høgskolens læringsmiljøsystem Classfronter, både til innlevering av arbeid og som informasjons- og kommunikasjonskanal. Modul 1 går frå september til november, modul 2 frå november til februar, og modul 3 frå februar til mai.

Undervisning vil være på onsdager fra kl. 14.30 – 17.15 og fredager fra kl. 8.30 – 11.15 (somme veker kan det vere aktuelt med undervisning berre ein av dagane).

 Opptakskrav

Søkere må ha fullført de første 30 studiepoengene i norsk i allmennlærerutdanningen (Norsk 1). Det må søkes om opptak til hver modul. Se fagplanen for nærmere opplysningar om tidspunkt for de ulike modulene.

Studieavgift

Kr. 5.500 per semester + semesteravgift.

Fagleg ansvarleg

Anne-Kari Skardhamar tlf.: 22 45 21 95
Synnøve Skjong tlf.: 22 45 21 94
Grethe Hilditch tlf.: 22 45 22 59
Finn Aarsæther tlf.: 22 45 22 14