Praksis ved Bachelor i sjukepleie

Praksisstudiar utgjer 90 studiepoeng (60 veker). Av desse utgjer 75 studiepoeng direkte pasientretta praksisstudiar, og 15 studiepoeng trening i praktiske ferdigheitar, førebuing til og refleksjon over praksis.

I praksisstudia vil studenten ha direkte kontakt med pasientar og få erfaring med korleis sjukepleiar kan vurdere pasientar og setje i verk tiltak. Studenten vil møte menneske i ulike situasjonar, noko som vil kunne gi innsikt og erfaring. Studenten vil og få innblikk i korleis organisering og gjennomføring av arbeidet vert gjort i dei ulike praksisfelta. I tillegg vil ein stimulere studentane til bevisstgjering av rolleoppfatning og holdningar. Eit mål for praksisstudia er at studenten er bevisst og reflekterer over om eigen praksis er i samsvar med faglege krav.

Studieår	Praksis	Antal veker
1. studieår	Praksisstudiar i grunnleggande sjukepleie (emne 1)	8 veker
2. studieår	Praksisstudiar i medisinsk avdeling (emne 6)	8 eller 10 veker
2. studieår	Praksisstudiar i kirurgisk avdeling (emne 6)	10 eller 8 veker
2. studieår	Observasjonspraksis i førebyggjande helsearbeid (emne 7)	2 veker
3. studieår	Praksisstudiar i heimebaserte tenester/omsorgsbustader (emne 8)	8 veker
3. studieår	Praksisstudiar i psykisk helsearbeid (emne 8)	8 veker
3. studieår	Praksisstudiar (valfri praksis, emne 9)	6 veker

I deltidsutdanninga går praksis over fire år.

Avdeling for helsefag nyttar praksisplassar i heile Sogn og Fjordane. Det er høve til å søkje om å få gjennomføre praksisperiodar utanom Sogn og Fjordane etter gjeldande reglement.

Ta kontakt med praksiskonsulent Monica Borsholm Hyllestad dersom de har spørsmål om praksis. Tlf.nr. 57 72 25 30 eller e-post: monica.hyllestad@hisf.no

Informasjon om praksis

»  Årsplan for Bachelor i sjukepleie - oversikt over praksis- og teoriveker

Sist endra av: Monica Borsholm Hyllestad, 30. oktober 2007 10:11:02
Publisert av: Guy Steffen Brun, 04. desember 2006 10:32:37