Det er fast tradisjon at studentane lagar til eit måltid med eigne favorittar mot slutten av norskkurset. I år var det heile 23 studentar som var med, 21 av dei frå "From Mountain to Fjord"-studiet. Det vart mykje smatting og stappmette deltakarar. Kva seier du til dømes om sild som blir servert rå på kjeks med salt, kutta løk og melbatoast? Tilbodet inneheldt og ein lekker eggerett frå Tyskland og lekre ostebitar som forrett, me hadde bønne- og kjøtgryte frå Zambia, ostegratinert potet frå USA med ymse godt på, pannekaker med overraskande fyll frå Nederland. Og slik heldt det fram til me gispa etter luft.

Bileta viser noko av det smaksløkane fekk å arbeida med.

Lærarar på kurset har vore Eli Bjørhusdal og Jan Olav Fretland. Dei er no i arbeid att etter gildet …