Smakebit av framtida samarbeid

Sosionom- og PPU-student i gruppe 13
Klikk for større bilete

Dette var eit felles undervisningsopplegg for allmennlærar-, barnevern-, førskulelærar-, sosionom- , PPU- og vernepleiarstudentar.

Programmet starta med at dei 15 gruppene, som var sett saman av studentar på tvers av studia, møttest måndag morgon for å bli kjent med kvarandre og kvarandre sine profesjonar. Etter lunsj holdt Kjell Stien frå PP-kontoret i Fjaler førelesinga Tverrfagleg og fleirfagleg samarbeid i kommunen - "med hjarta på rette staden eller med hjarta i halsen".

Stien si førelesing danna grunnlaget for studentane sitt arbeid i grupper dagen etter. Kvar enkelt skulle utfrå sin profesjonelle ståstad førebu seg på deltaking i eit samarbeidsmøte, der ei sak som involverte sosial-/barnevernteneste og skule/barnehage vart teke opp. Dei hadde på førehand fått utdelt problemstillinga/saka.

Lærarar frå dei ulike studia gikk rundt og rettleia i gruppene, og gruppearbeidet vart avslutta med rollespel av samarbeidsmøta.

Studentane var engasjerte og syntest det var interessant å bli kjent med kvarandre sine profesjonar og fagspesifikke problemstillingar.

Bileta: Deltakarar i gruppe 13

Sist endra av: Caisa Hedlund, 02. oktober 2007 12:17:51
Publisert av: Caisa Hedlund, 25. september 2007 18:12:10