Annonsering - rettleiing og tips

HSF har ein grafisk profil (ny i 2006) som skal brukast ved utforming av materiell, også annonsar.

I tillegg har HSF ein rekrutteringsprofil (ny kvart år) som vert nytta i rekrutteringssamanheng: katalogar, brosjyrer og annonsering av studietilbod.

Aviser og tidsskrift har ulike spaltebreidder og modular på sine annonsesider. Det gjer at det er ein jobb å utforme ein annonse i vår profil tilpassa ei bestemt avis eller eit bestemt tidsskrift. For å få utforma HSF sine annonsar så godt som mogeleg i høve til dei to profilane, har Høgskulen ein avtale med Firda i Førde om å bruke dei som annonsebyrå.

Det betyr at vi ALLTID bestiller annonsene gjennom Firda. To unntak:

• Små annonser som berre skal inn i éi lokalavis. Då held det at vi bestiller direkte i avisa og nyttar logo i staden for heile profilen.
• Stillingsannonser som vert formidla gjennom www.jobbnor.no. Kontakt personaladministrasjonen for meir informasjon.

Framgangsmåte ved bestilling av annonse via Firda:

• Bestilling av annonseinnrykket skjer ved å sende ein epost til: annonse@firda.no
• I eposten seier du i kva for avis eller tidsskrift annonsen skal inn. I tidsskrift må du bestille plass til annonsen på førehand.
• Hugs fullstendig namn på avisa. For tidsskrift bør du ha med telefon og telefaks til annonseavd. og gjerne ISDN-linje for overføring av materiell.
• Viktig å ha med: dato for materiellfrist til det bestemte nr. der annonsen skal inn
• Send annonseteksten som vedlegg.

Hugs:

• å gjere merksam på kven som skal ha korrekturen (Firda sender korrektur via epost)
• kva for avdeling/administrativ eining som skal ha fakturaen.

Kostnad
Det kostar sjølvsagt pengar å bruke Firda, men vi sparer mykje tid og krefter ved at prosessen med annonsering vert forenkla. Og ikkje minst: annonsen vert korrekt utforma!

Utforming og formidling av annonse kostar kr. 250,- pr annonse pr. avis/trykksak.

Dersom vi ønskjer at Firda skal innhente opplysningar om annonsestorleikar og prisar frå andre aviser eller tidsskrift, må vi betale ekstra for det: kr. 500,- pr. time (som også er minstepris).

Dersom ein annonse skal inn i Firda, betalar du ikkje ekstra for utforming, berre for sjølve annonseringa.

Dersom ein annonse skal inn i Firda pluss andre lokalaviser i fylket, betalar vi ingenting for utforming eller formidling til dei andre. Avisene i fylket har ein avtale om at dei gjer opp seg imellom.

Firda sender oss faktura på utforming og formidling, medan faktura for sjølve annonseplassen kjem frå dei einskilde avisene/tidsskrifta.

Aviser i Sogn og Fjordane:

• Sogn og Fjordane-samkøyringa
• Nordfjordsamkøyringa

Statens annonseregelverk

Er det meir du lurer på?
Kontakt informasjonsrådgjevar Berit Amundsen.

Sist endra av: Guy Steffen Brun, 02. desember 2006 19:39:53
Publisert av:   Guy Steffen Brun, 02. desember 2006 19:39:53