Tenester og kompetanse

Skreddarsydd opplæring og fleksible læringsformer
HSF Oppdrag er Høgskulen i Sogn og Fjordane si eining for kurs- og oppdragsverksemd. Me kan tilby skreddarsydde opplæringstilbod som vert utvikla i samarbeid med oppdragsgjevarar, og fleksible studietilbod på den opne marknaden. Dette kan vera korte kurs eller lengre vidareutdanningsstudium, med eller utan studiepoeng.

Opplæringa kan gjennomførast på ulike måtar avhengig av innhaldet i opplæringa og behovet til oppdragsgjevaren. Me kan tilby nettbaserte kurs, tradisjonelle undervisningsformer og kombinasjonar av desse. Gjennom nært samarbeid med oppdragsgjevar sørgjer me for at opplæringa kan skje med rett innhald, til rett tid, på rett stad og rett måte.

Prosjekt og konferansar
HSF Oppdrag formidlar og organiserer prosjekt og andre oppdrag som Høgskulen i Sogn og Fjordane gjennomfører. Me koplar oppdragsgjevar og fagmiljø og hjelper til med å utvikla prosjektet. HSF Oppdrag kan òg arrangera konferansar som del av større prosjekt eller som enkelttiltak.

Fagområde
Høgskulen i Sogn og Fjordane har kompetanse på ei rekkje fagfelt som finn i studiekatalogen. HSF Oppdrag hentar òg kompetanse frå andre fagmiljø dersom Høgskulen i Sogn og Fjordane ikkje kan tilby det som oppdragsgjevaren treng.

Ta gjerne kontakt med HSF Oppdrag for meir informasjon eller ein samtale om kva me kan tilby.

E-post: hsfoppdrag@hisf.no Telefon: 57676000 (sentralbord) og telefaks: 57676100.

Postadresse: Postboks 133, 6851 Sogndal. Besøksadresse: Fossvegen 6, Sogndal

Sist endra av: Tone Skjerdal, 08. januar 2007 11:21:33
Publisert av:   Guy Steffen Brun, 02. desember 2006 14:15:41